സ്പോർട്സ് ഡെസ്ക്ക് : കലിംഗ സൂപ്പര്‍ കപ്പ് 2024ന്റെ ഗ്രൂപ്പ് ഘട്ടത്തിനായുള്ള നറുക്കെടുപ്പ് 2023 ഡിസംബര്‍ 18 തിങ്കളാഴ്ച ന്യൂഡല്‍ഹിയിലെ ഫുട്ബോള്‍ ഹൗസില്‍ വെച്ച്‌ നടന്നു.കേരള ബ്ലാസ്റ്റേഴ്സ് ഗ്രൂപ്പ് ബിയില്‍ ഇടം നേടി. നോര്‍ത്ത് ഈസ്റ്റ് യുണൈറ്റഡ്, ജംഷദ്പൂര്‍, ഒരു ഐ ലീഗ് ക്ലബ് എന്നിവരാകും ബ്ലാസ്റ്റേഴ്സിന്റെ ഗ്രൂപ്പില്‍ ഉണ്ടാവുക.ടൂര്‍ണമെന്റില്‍ 16 ടീമുകള്‍ ആകെ കളിക്കുക ഇന്ത്യൻ സൂപ്പര്‍ ലീഗില്‍ നിന്ന് 12 ഉം ഐ-ലീഗില്‍ നിന്ന് നാല് ക്ലബും പങ്കെടുക്കും. നാല് ടീമുകള്‍ വീതമുള്ള നാല് ഗ്രൂപ്പുകളായി തിരിച്ചാണ് മത്സരം. 2024 ജനുവരി 9 മുതല്‍ 28 വരെ ഒഡീഷയിലാണ് കലിംഗ സൂപ്പര്‍ കപ്പ് നടക്കുന്നത്. ഐ ലീഗ് ക്ലബ് പ്ലേ ഓഫിലൂടെ ആകും ഗ്രൂപ്പ് ഘട്ടത്തിലേക്ക് എത്തുക. സൂപ്പര്‍ കപ്പ് 2023-ന് സമാനമായ ഫോര്‍മാറ്റിലാകും ഈ സീസണിലെയും മത്സരം. ഓരോ ഗ്രൂപ്പില്‍ നിന്നും ഉയര്‍ന്ന റാങ്കിലുള്ള ടീം സെമി ഫൈനലിലേക്ക് മുന്നേറും. ജനുവരി 28-ന് നടക്കുന്ന ഫൈനലിലെ വിജയിക്ക് 2024-25 AFC ചാമ്ബ്യൻസ് ലീഗ് 2-ലേക്കുള്ള ടിക്കറ്റും ലഭിക്കും.
