കൊച്ചി : നിരവധി ചിത്രങ്ങളിലൂടെ മലയാളികള്‍ക്ക് സുപരിചിതനായ നടനാണ് സന്തോഷ് കെ നായർ. സിനിമാ ജീവിതത്തില്‍ താൻ ഒരു നടനെ തല്ലിയിട്ടുണ്ടെന്ന് വെളിപ്പെടുത്തിയിരിക്കുകയാണ് അദ്ദേഹം ഇപ്പോള്‍.ഒരു യൂട്യൂബ് ചാനലിന് നല്‍കിയ അഭിമുഖത്തില്‍ സംസാരിക്കുകയായിരുന്നു സന്തോഷ്. ‘ഞാൻ ആരെയും ദ്രോഹിച്ചിട്ടില്ല. ഒരാളെ സിനിമയില്‍ നിന്ന് വെട്ടിക്കളയാൻ ഞാൻ ജീവിതത്തില്‍ പറഞ്ഞിട്ടില്ല. അതിനിയും ചെയ്യില്ല. എനിക്ക് ദേഷ്യം തോന്നിയാല്‍ പേഴ്സണലായി തീർക്കാനറിയാം. അയാളുടെ പ്രൊഫഷനെ വെട്ടിയിട്ടോ, സ്വത്തുക്കള്‍ നശിപ്പിച്ചിട്ടോ അല്ല ചെയ്യേണ്ടത്. അവനിട്ട് കൊടുക്കേണ്ടത് അവനിട്ട് മാത്രമാണ് കൊടുക്കേണ്ടത്.
സിനിമയില്‍ പാവം ജെയിംസിനിട്ട് കൊടുത്തിട്ടുണ്ട്. അതെല്ലാവരും കൊടുത്തിട്ടുണ്ട്. വേണു നാഗവള്ളി, മുരളി നാഗവള്ളി എല്ലാവരും എടുത്തിട്ട് അടിച്ചിട്ടുണ്ട്. ശല്യം സഹിക്കാൻ പറ്റില്ലായിരുന്നു. വെള്ളമടിച്ച്‌ നമ്മുടെ മുറിയില്‍ വരും. സിഗരറ്റൊക്കെ എടുത്തോണ്ട് പോകും. ഇവൻ പ്രൊഡക്ഷനുമായി ഒട്ടിയിട്ട്, ഇവൻ ആധികാരികമായി അവിടെ വന്ന് കാര്യം പറയും. നമ്മള്‍ ലൊക്കേഷനിലേക്ക് പോകുമ്ബോള്‍ കീ അവിടെ വയ്ക്കില്ലേ, അത് എടുത്തുകൊണ്ടുപോയി മുറി തുറക്കും. ഒരു ദിവസം സഹികെട്ട് ഞാൻ ഒരെണ്ണം കൊടുത്തു. ദൈവത്തെയോർത്ത് എന്ന പടത്തിന്റെ ലൊക്കേഷനില്‍വച്ചായിരുന്നു.”- അദ്ദേഹം പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സുരേഷ് ഗോപി തന്റെ ബന്ധുവാണെന്ന് സന്തോഷ് പറയുന്നു. ലൊക്കേഷനില്‍വച്ചാണ് സുരേഷ് ഗോപിയെ ആദ്യമായി കാണുന്നതെന്നും അദ്ദേഹം വ്യക്തമാക്കി. ‘ഞങ്ങള്‍ തമ്മില്‍ പ്രായത്തില്‍ വലിയ വ്യത്യാസമില്ല. ഒരു കാലത്ത് അവൻ ഇന്ത്യൻ പ്രസിഡന്റായി മാറില്ലെന്ന് ആർക്കറിയാം. ഒരുപ്രാവശ്യം കൂടി മന്ത്രിയായാല്‍ അതിന്റെയടുത്ത കാലത്ത് പ്രസിഡന്റായിരിക്കാം. അങ്ങനെ സംഭവിക്കാം. കാരണം സൗത്തില്‍ നിന്ന് ഒരു പ്രസിഡന്റായിട്ട് കുറേക്കാലമായി. എല്ലാവരും പറയുന്നു അവർണനെ അക്കിയില്ലെന്ന്. സവർണനെ പ്രസിഡന്റാക്കിയിട്ട് എത്രകാലമായി.’- അദ്ദേഹം പറഞ്ഞു.
കേരളത്തില്‍ ബി ജെ പിയില്‍ പ്രവർത്തിക്കാത്തതിന്റെ കാരണവും അദ്ദേഹം തുറന്നുപറഞ്ഞു. ‘ഇവിടത്തെ ബി ജെ പിയില്‍ എന്തുകൊണ്ട് പ്രവർത്തിക്കുന്നില്ലെന്ന് ചോദിച്ചാല്‍, ഇവിടെ പ്രവർത്തിക്കാനായിട്ട് നല്ലൊരു നേതാവുണ്ടാകണം. കേരളത്തില്‍ നല്ലൊരു നേതാവില്ല. ആരാണ് ഉള്ളത്? ഓരോ ദിവസവും ഓരോ കുറ്റം ഉന്നയിക്കുന്നയൊരാളാണോ. ഇന്ന് മുഖ്യമന്ത്രിക്കെതിരെ ഒരു ആരോപണം ഉന്നയിക്കും. അടുത്ത ദിവസം വേറൊന്ന് ഉന്നയിക്കും. അതിന്റെ അടുത്തദിവസം മറ്റൊന്ന്. ഉന്നയിച്ച സാധനത്തെ മുന്നോട്ടുകൊണ്ടുപോകില്ല.’- സന്തോഷ് വ്യക്തമാക്കി.