മലപ്പുറം: അരീക്കോട് കടുങ്ങല്ലൂർ ഹാജിയാർ പടിയില്‍ കാറില്‍ കടത്തുകയായിരുന്ന രേഖകളില്ലാത്ത 10 ലക്ഷം രൂപയുമായി യുവാവ് പിടിയില്‍. കൊടുവള്ളി മാനിപുരം സ്വദേശി നജ്മുദ്ദീനാണ് (37) പിടിയിലായത്. വ്യാഴാഴ്ച ജില്ല പൊലീസ് മേധാവിയുടെ ഡാൻസാഫ് സംഘത്തിലെ ഉദ്യോഗസ്ഥക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ അരീക്കോട് എസ്.ഐ ആല്‍വിൻ വർക്കിയുടെ നേതൃത്വത്തില്‍ നടത്തിയ പരിശോധനയിലാണ് പണം പിടികൂടിയത്. അരീക്കോട് ഭാഗത്തുനിന്ന് കാറില്‍ അരീക്കോട്, കിഴിശേരി ഭാഗങ്ങളില്‍ വിതരണത്തിന് എത്തിച്ചതാണ് തുകയെന്ന് അരീക്കോട് പൊലീസ് പറഞ്ഞു. പണം മഞ്ചേരി കോടതിയില്‍ ഹാജരാക്കും.
Advertisements
