പെര്‍ത്ത് : ടെസ്റ്റ് ക്രിക്കറ്റില്‍ 500 വിക്കറ്റ് നേടിയ താരങ്ങളുടെ ക്ലബ്ബില്‍ ഇനി ഓസ്ട്രേലിയൻ ഓഫ് സ്പിന്നര്‍ നേഥൻ ലയണും.പാകിസ്താനെതിരായ പരമ്ബരയിലെ ആദ്യടെസ്റ്റിന്റെ രണ്ടാം ഇന്നിങ്സില്‍ ഫാഹീം അഷ്റഫിന്റെ വിക്കറ്റെടുത്താണ് കരിയറിലെ നാഴികക്കല്ല് പിന്നിട്ടത്. 123-ാം ടെസ്റ്റ് മത്സരത്തിലാണ് താരം ഈ നേട്ടം സ്വന്തമാക്കിയത്. രണ്ട് ഇന്നിങ്സുകളിലുമായി ലയണ്‍ അഞ്ച് വിക്കറ്റ് നേടിയിരുന്നു. ഈ നേട്ടം കൈവരിക്കുന്ന മൂന്നാമത്തെ ഓസീസ് താരവും എട്ടാമത്തെ കളിക്കാരനുമാണ്. ഷെയ്ൻ വോണ്‍ (708) ഗ്ലെൻ മഗ്രാത്ത് (563) എന്നിവരാണ് ഇതിനുമുമ്ബ് 500 വിക്കറ്റെടുത്ത ഓസ്ട്രേലിയൻ താരങ്ങള്‍.
800 വിക്കറ്റെടുത്ത ശ്രീലങ്കൻ സ്പിന്നര്‍ മുത്തയ്യ മുരളീധരനാണ് ടെസ്റ്റ് ക്രിക്കറ്റിലെ വിക്കറ്റ് വേട്ടയില്‍ ഒന്നാമൻ. ഇംഗ്ലണ്ടിന്റെ ജെയിംസ് ആൻഡേഴ്സൻ (690) ഇന്ത്യൻ താരം അനില്‍ കുംബ്ലെ (619), ഇംഗ്ലീഷ് താരം സ്റ്റുവര്‍ട്ട് ബ്രോഡ് (604), വിൻഡീസ് താരം കോട്നി വാല്‍ഷ് (519) എന്നിവരാണ് 500 വിക്കറ്റ് നേടിയ മറ്റ് താരങ്ങള്‍.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ടെസ്റ്റില്‍ 500 വിക്കറ്റുകള്‍ തികച്ച ബൗളര്‍മാര്‍
800 – മുത്തയ്യ മുരളീധരൻ
708 – ഷെയ്ൻ വോണ്‍
619 – അനില്‍ കുംബ്ലെ
604 – സ്റ്റുവര്‍ട്ട് ബ്രോഡ്
563 – ഗ്ലെൻ മഗ്രാത്ത്
519 – കോര്‍ട്ട്നി വാല്‍ഷ്
501 – നഥാൻ ലിയോണ്‍*
