തൃശൂർ: തൃശൂരില്‍ രണ്ട് ക്ഷേത്രങ്ങളില്‍ മോഷണം നടത്തിയ പ്രതി പിടിയില്‍. ചാവക്കാട് നരിയംപുള്ളി ശ്രീ ഭഗവതി ക്ഷേത്രത്തിലും ചാവക്കാട് പുന്ന അയ്യപ്പ സുബ്രഹ്മണ്യ ക്ഷേത്രത്തിലുമാണ് കവർച്ച നടന്നത്. ചാവക്കാട് പൊലീസാണ് പ്രതിയെ അറസ്റ്റ് ചെയ്തത്. മല്ലാട് പേരടം സ്വദേശി മനാഫിനെയാണ് ചാവക്കാട് പൊലീസ് അറസ്റ്റ് ചെയ്തത്.
Advertisements
ചാവക്കാട് നരിയംപുള്ളി ശ്രീ ഭഗവതി ക്ഷേത്രത്തിലും പുന്ന അയ്യപ്പ സുബ്രഹ്മണ്യ ക്ഷേത്രത്തിലും മോഷണം നടത്തിയ പ്രതിയാണ് പിടിയിലായത്. ഇന്നലെയാണ് ക്ഷേത്രങ്ങളില്‍ മോഷണം നടന്നത്. പൂട്ട് കുത്തി തുറന്നാണ് പ്രതി ക്ഷേത്രങ്ങളില്‍ കടന്നത്. സ്വർണ്ണവും പണവും വിഗ്രഹവും മോഷ്ടിച്ചു. പ്രതിയുടെ പേരില്‍ സമാന കേസുകള്‍ ജില്ലയിലെ പല പോലീസ് സ്റ്റേഷനുകളില്‍ റിപ്പോർട്ട് ചെയ്തിട്ടുണ്ട്. തെളിവെടുപ്പിന് ശേഷം കോടതിയില്‍ ഹാജരാക്കിയ പ്രതിയെ റിമാന്‍റ് ചെയ്തു.
