തിരുവനന്തപുരം: തിരുവനന്തപുരം പോത്തൻകോട് കെഎസ്‌ആർടിസി ബസ് കാലില്‍ കൂടി കയറിയിറങ്ങി വയോധികന് ഗുരുതര പരിക്കേറ്റു. പോത്തൻകോട് ചാരുംമൂട്ടില്‍ ഉച്ചയ്ക്ക് പന്ത്രണ്ടേ കാലിനായിരുന്നു അപകടം. ചാരുംമൂട് സ്വദേശി സുകുമാരന് (72) ആണ് പരിക്കേറ്റത്.
Advertisements
കെഎസ്‌ആർടിസി ലോ ഫ്ലോർ ബസില്‍ കയറുന്നതിനിടെ ബസ് മുമ്പോട്ട് എടുത്തപ്പോള്‍ സുകുമാരൻ തെന്നി വീഴുകയായിരുന്നു. ബസിനടിയില്‍പ്പെട്ട സുകുമാരൻ്റെ കാലില്‍ കൂടി ബസ് കയറിയിറങ്ങി. പോത്തൻകോട് നിന്നും കിഴക്കേകോട്ടയിലേയ്ക്ക് പോയ ബസായിരുന്നു. പരിക്കേറ്റ സുകുമാരനെ മെഡിക്കല്‍ കോളേജിലേക്ക് മാറ്റി.
