തിരുവനന്തപുരം : സ്വകാര്യ ബസിനുള്ളില്‍ ബസ് ജീവനക്കാരനെ മരിച്ചനിലയില്‍ കണ്ടെത്തി. തിരുവനന്തപുരം പാച്ചല്ലൂരില്‍ കടക്കല്‍ സ്വദേശി രതീഷിനെയാണ് (32) ബസിനുളളില്‍ തൂങ്ങിയ നിലയില്‍ കണ്ടത്.ഇന്ന് രാവിലെയാണ് രതീഷിനെ ബസിനുളളില്‍ തൂങ്ങിയ നിലയില്‍ കണ്ടെത്തിയത്. ഉടൻ തന്നെ നാട്ടുകാർ പൊലീസിനെ വിവരമറിയിച്ചു. പൊലീസ് സ്ഥലത്തെത്തി ഇൻക്വസ്റ്റ് നടപടികൾ നടത്തി. കോവളം പൊലീസ് കേസെടുത്ത് അന്വേഷണം ആരംഭിച്ചു.പാച്ചല്ലൂർ ഭാഗത്ത് ഒതുക്കിയിട്ടിരുന്ന സ്വകാര്യ ബസുകളിലൊന്നിനുളളിലാണ് യുവാവ് തൂങ്ങിമരിച്ചതെന്ന് കോവളം എസ്.എച്ച്‌.ഒ. വി. ജയപ്രകാശ് പറഞ്ഞു.യുവാവിന്റെ മരണത്തിനുപിന്നിലെ കാരണം ഇതുവരെയായിട്ടും വ്യക്തമല്ല. നടപടികള്‍ക്കുശേഷം മൃതദേഹം മെഡിക്കല്‍ കോളേജ് ആശുപത്രിയിലേക്ക് പോസ്റ്റ്മോർട്ടത്തിനായി മാറ്റിയിട്ടുണ്ട്.
Advertisements
