തൃശൂർ: തൃശൂരിൽ ജനങ്ങളെ പരിഭ്രാന്തിയിലാക്കി കൊമ്പന്റെ വിളയാട്ടം. കാട്ടകാമ്പാല്‍ ക്ഷേത്രത്തിന് സമീപം എടത്തനാട്ടുകര കൈലാസനാഥനാണ് ഇടഞ്ഞത്. ഇന്ന് രാവിലെ 9.30ഓടെയാണ് സംഭവം.
Advertisements
രാവിലെ പാപ്പാൻ വെള്ളം കൊടുക്കാൻ ശ്രമിക്കുന്നതിനിടെ ആന തുമ്പിക്കൈ കൊണ്ട് പാപ്പാനെ ആക്രമിക്കാൻ ശ്രമിക്കുകയായിരുന്നു. ഇതിനുപിന്നാലെ ആന സമീപത്തെ പറമ്പിലേക്ക് ഓടിക്കയറി പരിഭ്രാന്തി പരത്തി. പാപ്പാൻമാര്‍ തളയ്ക്കാൻ ശ്രമിച്ചെങ്കിലും നടന്നില്ല. വിവരമറിയിച്ചതിനെ തുടർന്ന് കുന്നംകുളം എലിഫൻറ് സ്ക്വാഡ് സ്ഥലത്തെത്തി ഏറെ നേരത്തെ പരിശ്രമത്തിനോടുവിലാണ് ആനയെ തളച്ചത്.
