ഹേയ് സിനാമികയ്‍ക്ക് ശേഷം ബൃന്ദ മാസ്റ്റര്‍ സംവിധാനം ചെയ്യുന്ന ഏറ്റവും പുതിയ തമിഴ് ചിത്രം തഗ്സിലെ പുതിയ ഗാനത്തിന്റെ ലിറിക്കല്‍ വീഡിയോ പുറത്തു വിട്ടു. അനശ്വര രാജനാണ് ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്നത്. മുഴുനീള ആക്ഷൻ ചിത്രമായിരിക്കും ‘തഗ്‍സ്’.
‘എയ് അഴകിയേ’ എന്ന് തുടങ്ങുന്ന ഒരു ഗാനമാണ് പുറത്തു വിട്ടിരിക്കുന്നത്. വിവേകിന്റെ വരികളില്‍ സാം എസിന്റെ സംഗീത സംവിധാനത്തില്‍ ഗാനം ആലപിച്ചിരിക്കുന്നത് കപില്‍ കബിലൻ, ചിൻമയി എന്നിവര്‍ ചേര്‍ന്നാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
തമിഴിന് പുറമെ ഹിന്ദി, തെലുങ്ക്, കന്നഡ ഭാഷകളിലും ചിത്രം തിയറ്ററിൽ റിലീസ് ചെയ്യുന്നുണ്ട്. ഹൃദു ഹറൂറാണ് ചിത്രത്തിലെ നായകന്‍. ആമസോണിൽ ഏറെ ഹിറ്റായ ‘ക്രാഷ് കോഴ്‍സ്’ സീരിസിലെ മുഖ്യ വേഷത്തിലും സന്തോഷ് ശിവൻ സംവിധാനം ചെയ്‍ത ‘മുംബൈക്കർ’ എന്ന ചിത്രത്തിലെ കേന്ദ്ര കഥാപാത്രത്തെ അവതരിപ്പിച്ചും ശ്രദ്ധനേടിയ ഹൃദുവിന്‍റെ തമിഴ് അരങ്ങേറ്റം കൂടിയാണ് ഈ ചിത്രം.
പ്രിയേഷ് ഗുരുസ്വാമിയാണ് തഗ്സിന്റെ ഛായാഗ്രഹണം. പ്രവീൺ ആന്റണിയാണ് ചിത്രസംയോജനം നിര്‍വഹിക്കുന്നത്.
‘ആർആർആർ’, ‘ഡോൺ’ എന്നിവയുടെ കേരളത്തിലെ വിതരണക്കാരായ റിയാ ഷിബുവിന്റെ എച്ച്ആർ പിക്ചേഴ്സും ജിയോ സ്റ്റുഡിയോസും ചേർന്നാണ് ‘തഗ്‍സ്’ എന്ന ചിത്രം നിര്‍മ്മിച്ചിരിക്കുന്നത്. ക്രിയേറ്റീവ് പ്രൊഡ്യൂസര്‍ മുത്തു കറുപ്പയ്യയാണ്. പ്രൊഡക്ഷൻ ഡിസൈനര്‍ ജോസഫ് നെല്ലിക്കലാണ്.
കോസ്റ്റ്യൂം ഡിസൈനര്‍ മാലിനി കാര്‍ത്തികേയനാണ്. ബോബി സിംഹ, ആർ കെ സുരേഷ്, മുനിഷ് കാന്ത്, ശരത് അപ്പാനി തുടങ്ങി നീണ്ട താരനിരയുള്ള ചിത്രത്തിന്റെ പ്രൊജക്റ്റ് കോര്‍ഡിനേറ്റര്‍ പരമേശ്വരൻ സുഭാഷ്, കളറിസ്റ്റ് അരുണ്‍ സംഗമേശ്വര്‍, ഡിഐ ഇൻഫിനിറ്റി മീഡിയയുമാണ്.
