കായംകുളം : ആലപ്പുഴയില്‍ ടിപ്പർ അപകടത്തില്‍ ഒരു ജീവൻ കൂടി പൊലിഞ്ഞു. ആലപ്പുഴ താമരക്കുളം കണ്ണനാകുഴി കണ്ണമ്ബള്ളില്‍ വർഗ്ഗീസ് ഡാനിയേല്‍ (64)ആണ് മരിച്ചത്. കായംകുളം – പുനലൂർ റോഡില്‍ കറ്റാനത്തിനു സമീപം വെട്ടിക്കോട് അമ്ബനാട്ടു മുക്കില്‍ വച്ച്‌ ഇന്ന് രാവിലെ 10 മണി കഴിഞ്ഞായിരുന്നു അപകടം.ഇദ്ദേഹം സഞ്ചരിച്ചിരുന്ന സ്കൂട്ടറും ലോഡുമായി വന്ന ടിപ്പറുമാണ് അപകടത്തില്‍പെട്ടത്.
കറ്റാനത്തുള്ള ബാങ്കില്‍ നിന്നും പണമെടുക്കാനെത്തിയതായിരുന്നു വർഗ്ഗീസ്. ഇിതിനിടെയിലാണ് ദാരുണമായ അപകടം സംഭവിക്കുന്നത്. ദുബൈലായിരുന്ന വർഗ്ഗീസ് മകന്‍റെ കല്യാണത്തിനായി രണ്ടു മാസം മുമ്ബാണ് നാട്ടില്‍ വന്നത്. ഇടിയുടെ ആഘാതത്തില്‍ ടിപ്പറിനടിയില്‍ പെട്ട ഇദ്ദേഹത്തിന്‍റെ ശരീരഭാഗത്തു കൂടി ചക്രം കയറി ഗുരുതരമായി പരിക്കേറ്റിരുന്നു. കറ്റാനത്തുള്ള സ്വകാര്യാശുപത്രിയില്‍ പ്രാഥമിക ശുശ്രൂഷ നല്‍കിയ ശേഷം തിരുവല്ലയിലുള്ള സ്വകാര്യ മെഡിക്കല്‍ കോളേജിലേക്ക് മാറ്റിയിരുന്നെങ്കിലും കഴിഞ്ഞ ദിവസം വൈകുന്നേരത്തോടെ മരിച്ചു. സംസ്കാരം ശനിയാഴ്ച രാവിലെ 10 ന് നടക്കും.
