ന്യൂസ് ഡെസ്ക് : ഐപിഎല്ലില്‍ കളിക്കുക എന്നത് ഒരോ പാകിസ്താൻ താരത്തിന്റെയും ആഗ്രഹമാണെന്ന് പാകിസ്താൻ പേസ് ബൗളര്‍ ഹസൻ അലി. അവസരം ലഭിച്ചാല്‍ ഇന്ത്യൻ പ്രീമിയര്‍ ലീഗില്‍ (ഐ‌പി‌എല്‍) പങ്കെടുക്കാൻ താനും ആഗ്രഹിക്കുന്നുവെന്ന് പാകിസ്ഥാൻ ഫാസ്റ്റ് ബൗളര്‍ പറഞ്ഞു.2009 മുതല്‍ പാകിസ്താൻ താരങ്ങള്‍ക്ക് ഐ പി എല്ലില്‍ വിലക്ക് ഉണ്ട്‌. അതുകൊണ്ട് അവര്‍ക്ക് ഐ പി എല്ലിനായി രജിസ്റ്റര്‍ ചെയ്യാൻ പറ്റാറില്ല.
എല്ലാ കളിക്കാരനും ഐ‌പി‌എല്‍ കളിക്കാൻ ആഗ്രഹിക്കുന്നു, അവിടെ കളിക്കണമെന്നാണ് എന്റെയും ആഗ്രഹം. ഇത് ലോകത്തിലെ ഏറ്റവും വലിയ ലീഗുകളിലൊന്നാണാണ്, ഭാവിയില്‍ അവസരം ലഭിച്ചാല്‍ ഞാൻ തീര്‍ച്ചയായും ഐ പി എല്ലില്‍ കളിക്കും,’ ഹസൻ അലി പറഞ്ഞു.മുമ്ബ് ഷൊയ്ബ് അക്തര്‍, മുഹമ്മദ് ഹഫീസ്, സല്‍മാൻ ബട്ട്, കമ്രാൻ അക്മല്‍, സൊഹൈല്‍ തൻവീര്‍, അഫ്രീദി തുടങ്ങി നിരവധി പാകിസ്താൻ താരങ്ങള്‍ ഐ പി എല്ലില്‍ കളിച്ചിട്ടുണ്ട്.
