തിരുവനന്തപുരം: പുരാതന കിണര്‍ വൃത്തിയാക്കുന്നതിനിടെ കിണറ്റില്‍ നിന്നും ലോാക്കറും മൂര്‍ഖന്‍ പാമ്ബിനേയും കണ്ടെത്തി.ഓാണാഘോഷത്തിന്റെ ഭാഗമായി നടക്കാനിരിക്കുന്ന നെയ്യാര്‍ മേളയ്ക്ക് വേദിയായ ആറാലുംമൂട് കാളച്ചന്തയിലെ പൊട്ടക്കിണര്‍ വൃത്തിയാക്കിയപ്പോഴാണ് ഒരു ലോക്കറും മൂര്‍ഖന്‍ പാമ്ബിനെയും കണ്ടെത്തിയത്. തിരുവനന്തപുരം ആറാലുംമൂടിലാണ് സംഭവം.മൂര്‍ഖനെ കണ്ട് പകച്ചുനിന്ന പൊലീസ് വാവ സുരേഷിനെ സ്ഥലത്തെത്തിച്ച്‌ മൂര്‍ഖനെ പിടികൂടി. മൂര്‍ഖനെ പിടിച്ച വാവാ സുരേഷിനെ നാട്ടുകാര്‍ അനുമോദിക്കുകയും ചെയ്തു. ഇതിനുശേഷം പൊലീസും ഫയര്‍ഫോഴ്സും ചേര്‍ന്നാണ് കിണറ്റില്‍ കിടന്ന ലോക്കര്‍ പുറത്തെടുത്തത്. എന്നാല്‍ ലോക്കറില്‍ നിന്ന് പ്രത്യേകിച്ചൊന്നും കണ്ടെത്താനായില്ല. ലോക്കറിനെ ചുറ്റിപ്പറ്റിയുള്ള കൂടുതല്‍ അന്വേഷണത്തിലാണ് പൊലീസ്.മോഷണമുതല്‍ ഉപേക്ഷിച്ചതാണോയെന്നാണ് പൊലീസ് സംശയിക്കുന്നത്. തിരുവിതാംകൂര്‍ രാജാവിന്റെ ഭരണകാലഘട്ടത്തില്‍ നിര്‍മ്മിച്ചതായി പറയപ്പെടുന്ന കിണര്‍ ആണ് വൃത്തിയാക്കിയത്.
