വാഷിംഗ്ടൺ: മൈക്രോ ബ്ലോഗിംഗ് സൈറ്റായ ട്വിറ്ററിന്റെ ലോഗോയിൽ മാറ്റം വരുത്തി സിഇഒ ഇലോൺ മസ്‌ക്. ട്വിറ്ററിന്റെ പ്രശസ്തമായ ബ്ലൂ ബേർഡ് ലോഗോ മാറ്റി നായയുടെ (“ഡോഗ് മീം) ചിത്രമാണ് നൽകിയിരിക്കുന്നത്.
ഡോഗ് കോയിൻ എന്ന ക്രിപ്റ്റോ കറൻസിയുടെ ലോഗോയുടെ ഭാഗമായാണ് ഡോഗ് മീം ഇതുവരെ കണ്ടിട്ടുള്ളത്. ഇലോൺ മാസ്കിന്റെ ഏറ്റവും ഇഷ്ടപ്പെട്ട ക്രിപ്റ്റോ കറൻസിയാണ് ഡോഗ് കോയിൻ. ഷിബ ഇനു എന്ന നായ ഇന്റര്‍നെറ്റിലെ ഒരു ജനപ്രിയ മീം ആണ്. ഇതാണ് ഡോഗ് കോയിനിന്റെ ലോഗോ.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ബിറ്റ്‌കോയിൻ പോലുള്ള മറ്റ് ക്രിപ്‌റ്റോകറൻസികളെ പരിഹസിക്കാൻ 2013-ൽ സൃഷ്‌ടിച്ച ഒരു ക്രിപ്‌റ്റോകറൻസിയായ ഡോഗ്‌കോയിന്റെ ആരാധകനാണ് മസ്‌ക്. മുൻഭാഗത്ത് കോമിക് സാൻസ് ഫോണ്ടിലുള്ള മൾട്ടി-കളർ ടെക്‌സ്‌റ്റിനൊപ്പം ഷിബ ഇനു നായ കബോസുവിന്റെ ചിത്രമാണ് ഇതിൽ അടങ്ങിയിരിക്കുന്നത്.
അതേസമയം ട്വിറ്ററിന്റെ മൊബൈൽ ആപ്പിൽ മാറ്റമൊന്നും ഉണ്ടായിട്ടില്ലെന്നത് ശ്രദ്ധേയമാണ്. ട്വിറ്ററിന്റെ വെബ്‌സൈറ്റ് ഇന്റർഫേസിൽ പ്രത്യക്ഷപ്പെട്ടതിന് ശേഷം, ഡോഗ്‌കോയിൻ ഏകദേശം 30 ശതമാനം ഉയർന്നതായി ബ്ലൂംബെർഗ് റിപ്പോർട്ട് ചെയ്യുന്നു.
ചരക്കുകൾക്കുള്ള പേയ്‌മെന്റായി ടെസ്‌ല ഡോഗ്‌കോയിനെ സ്വീകരിക്കുന്നുവെന്നും സ്‌പേസ് എക്‌സ് ഉടൻ തന്നെ ഇതാരംഭിക്കുമെന്നും മസ്‌ക് പറഞ്ഞിരുന്നു.
എന്തിനാണ് ലോഗോ മാറ്റിയതെന്ന് കൂടുതൽ കൂടുതൽ ഉപയോക്താക്കൾ ചോദ്യങ്ങൾ ചോദിക്കാൻ തുടങ്ങിയതോടെ, തന്റെ നീക്കത്തെ തമാശരൂപേണ അവതരിപ്പിച്ചുകൊണ്ട് മസ്‌ക് രണ്ട് ട്വീറ്റുകൾ പോസ്റ്റ് ചെയ്തു.
കഴിഞ്ഞ നവംബറിൽ 44 ബില്യൺ ഡോളറിന് മസ്‌ക് മൈക്രോബ്ലോഗിംഗ് പ്ലാറ്റ്‌ഫോം വാങ്ങിയതിന് ശേഷമുള്ള ഏറ്റവും പുതിയ മാറ്റമാണിത്. സബ്‌സ്‌ക്രിപ്‌ഷനിലൂടെ ട്വിറ്ററിന്റെ വരുമാനത്തിന്റെ ഭൂരിഭാഗവും സമാഹരിക്കാൻ ഒരുങ്ങുകയാണ് ഇലോൺ മസ്‌ക്. അതിന്റെ ഭാഗമായി ട്വിറ്ററിന്റെ വെരിഫൈഡ് ബ്ലൂ ടിക്ക് പണം നൽകുന്നവർക്ക് മാത്രമുള്ളതാണെന്ന മസ്‌ക് വ്യക്തമാക്കിയിട്ടുണ്ട്.
