യു ഡി.എഫ് കോട്ടയം ജില്ലാ നേതൃസമ്മേളനം നവംബർ 20 ന്

കോട്ടയം : യു.ഡി.എഫി ന്റെ പ്രവർത്തനങ്ങൾ സജീവമാകുന്നതിൻ്റെ ഭാഗമായി യുഡിഎഫ് കോട്ടയം ജില്ലാ നേതൃസമ്മേളനം നവംബർ 20 ശനിയാഴ്ച മൂന്നിന് കോട്ടയം ദർശന ഓഡിറ്റോറിയത്തിൽ നടക്കും .

യുഡിഎഫ് പഞ്ചായത്ത്, നിയോജകമണ്ഡലം സംസ്ഥാന ,ഭാരവാഹികൾ എം.പി.മാർ , എം.എൽ.എ. മാർ , മറ്റ് ജനപ്രതിനിധികൾ എന്നിവർ പങ്കെടുക്കും.

ഇതിനോടനുബന്ധിച്ച് നിയോജക മണ്ഡലം, മണ്ഡലം, യുഡിഎഫ് പുനഃസംഘടനയും പൂർത്തീകരിക്കും. തുടർന്ന് യുഡിഎഫ് ബൂത്ത് കമ്മറ്റികൾക്കും രൂപം നൽകും . കേന്ദ്ര സർക്കാരുകളുടെ അഴിമതിയും ജനവിരുദ്ധ നിലപാടുകളും തുറന്നുകാട്ടുന്ന പ്രക്ഷോഭ പരിപാടികൾക്ക് നേതൃത്വം സമ്മേളത്തോടെ തുടക്കം കുറിക്കും.

യുഡിഎഫ് മണ്ഡലം ബൂത്തുതല പ്രവർത്തനങ്ങൾ സജീവമാകുന്നതിൻ്റെ ഭാഗമായി നടക്കുന്ന നേതൃസമ്മേളനം പ്രതിപക്ഷനേതാവ് വി ഡി സതീശൻ ഉദ്ഘാടനം ചെയ്യും. യുഡിഎഫ് കോട്ടയം ജില്ലാ ചെയർമാൻ സജി മഞ്ഞക്കടമ്പിൽ അധ്യക്ഷത വഹിക്കും.

എഐസിസി ജനറൽ സെക്രട്ടറി ഉമ്മൻചാണ്ടി, കെപിസിസി പ്രസിഡൻറ് കെ സുധാകരൻ, യുഡിഎഫ് സംസ്ഥാന കൺവീനർ എം .എം . ഹസ്സൻ ,പി കെ കുഞ്ഞാലിക്കുട്ടി പി ജെ ജോസഫ് , കൊടിക്കുന്നിൽ സുരേഷ് എം.പി, അന്റോ ആന്റണി എം.പി , എ.എ.അസീസ്, മാണി.സി. കാപ്പൻ എം.എൽ.എ ,സി പി ജോൺ , ജി. ദേവരാജൻ , ജോൺ ജോൺ , രാജൻ ബാബു, തിരുവഞ്ചൂർ രാധാകൃഷ്ണൻ , മോൻസ് ജോസഫ് എം.എൽ.എ, കെ.സി.ജോസഫ് , പി.സി.തോമസ്,ജോയ് എബ്രഹാം ,ജോസി സെബാസ്റ്റ്യൻ , പി. എ.സലിം, നാട്ടകം സുരേഷ്, ജോസഫ് വാഴക്കൻ ,ടോമി കല്ലാനി, കുര്യൻ ജോയി, ജോഷി ഫിലിപ്പ്,പി.ആർ. സോന,അസീസ് ബഡായി ,തുടങ്ങിയവരും യു ഡി എഫ് സംസ്ഥാന , ജില്ലാ നേതാക്കളും പങ്കെടുക്കുംമെന്ന് യു.ഡി.എഫ് കോട്ടയം ജില്ലാ ചെയർമാൻ സജി മഞ്ഞക്കടമ്പിലും , കൺവീനർ ജോസി സെബാസ്റ്റ്യനും അറിയിച്ചു.