ലഖ്‌നൗവില്‍ നിന്ന് പട്‌നയിലേക്ക് പോവുകയായിരുന്ന വന്ദേ ഭാരത് എക്‌സ്പ്രസിന് (22346) നേരെ അജ്ഞാതർ കല്ലെറിഞ്ഞു. ബുധനാഴ്ച രാത്രി വാരണാസിയിലാണ് സംഭവം. ബുധനാഴ്ച രാത്രി 8.15 ഓടെ പ്രതികള്‍ ട്രെയിനിൻ്റെ സി 5 ൻ്റെ ജനല്‍ ഗ്ലാസ് കല്ലെറിഞ്ഞ് കേടുവരുത്തിയതായി റെയില്‍വേ ഉദ്യോഗസ്ഥർ പറഞ്ഞു. 22346 നമ്പർ വന്ദേ ഭാരത് ട്രെയിനിന് നേരെ കല്ലേറുണ്ടായതായാണ് ഇന്ത്യൻ റെയില്‍വേയില്‍ നിന്ന് ലഭിച്ച വിവരം.
ലഖ്‌നൗവില്‍ നിന്ന് പട്‌നയിലേക്ക് പോവുകയായിരുന്നു ട്രെയിൻ. ബനാറസിനും കാശിക്കും ഇടയിലുള്ള റോഡില്‍വച്ച്‌ അജ്ഞാതർ കല്ലെറിഞ്ഞതായാണ് വിവരം. രാത്രി 20.15ഓടെയാണ് കല്ലേറുണ്ടായത്. സംഭവം പുറത്തറിഞ്ഞതോടെ ആർപിഎഫ് നടപടി സ്വീകരിച്ചു. സംഭവസ്ഥലം തടഞ്ഞ് ബനാറസിലെയും കാശിയിലെയും ആർപിഎഫ് ഉദ്യോഗസ്ഥർ തിരച്ചില്‍ നടത്തിയെങ്കിലും ഇതുവരെ പ്രതികളെ കുറിച്ച്‌ ഒരു സൂചനയും ലഭിച്ചിട്ടില്ല. പ്രതികള്‍ക്കെതിരെ കർശന നടപടിയെടുക്കാൻ റെയില്‍വേ നിയമത്തിലെ പ്രസക്തമായ വകുപ്പുകള്‍ പ്രകാരം ഔട്ട് പോസ്റ്റ് കാശിയില്‍ കേസ് രജിസ്റ്റർ ചെയ്തിട്ടുണ്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇൻസ്‌പെക്ടർ ഇൻ ചാർജ് ആർപിഎഫ് വ്യാസ്‌നഗർ ആണ് അന്വേഷണം നടത്തുന്നത്. പ്രാദേശിക വിവരങ്ങള്‍ ശേഖരിക്കുകയും വന്ദേ ഭാരതില്‍ സ്ഥാപിച്ചിട്ടുള്ള ക്യാമറകള്‍ പരിശോധിക്കാനുള്ള ശ്രമങ്ങള്‍ നടത്തുകയും ചെയ്യുന്നു.
