കൊച്ചി : മെഡിക്കല്‍ ഫാമിലി ത്രില്ലര്‍ ജോണറില്‍ നവാഗതനായ ജോ ജോര്‍ജ് സംവിധാനം ചെയ്യുന്ന പുതിയ ചിത്രത്തിന് ആസാദി എന്ന് നാമകരണം ചെയ്തു.ലിറ്റില്‍ ക്രൂ ഫിലിംസിൻ്റെ ബാനറില്‍ ഫൈസല്‍ രാജ നിര്‍മ്മിക്കുന്ന ഈ ചിത്രത്തിൻ്റെ ചിത്രീകരണം കൊച്ചി, കോട്ടയം എന്നിവിടങ്ങളിലായി പുരോഗമിക്കുന്നു. വാണി വിശ്വനാഥ് പത്തു വര്‍ഷത്തെ ഇടവേളക്കുശേഷം മികച്ച ഒരു കഥാപാത്രത്തെ ഈ ചിത്രത്തില്‍ അവതരിപ്പിക്കുന്നു.
ശ്രീനാഥ് ഭാസി, ലാല്‍, സൈജു കുറുപ്പ് എന്നിവര്‍ പ്രധാന വേഷത്തില്‍ അഭിനയിക്കന്ന ഈ ചിത്രത്തില്‍ രവീണ രവിയാണ് നായിക. മാമന്നൻ എന്ന സൂപ്പര്‍ ഹിറ്റ് ചിത്രത്തിലൂടെ ഏറെ ശ്രദ്ധ നേടിയ രവീണയുടെ മികച്ച പ്രകടനമാണ് ഈ ചിത്രത്തില്‍ കാണാൻ കഴിയുക. ടിജി രവി, രാജേഷ് ശര്‍മ്മ, ബോബൻ സാമുവല്‍, സാബു ആമി, അഭിരാം, ഫൈസല്‍, ജീലു ജോസഫ്, വിജയകുമാര്‍ (കാപ്പ ഫെയിം) ആൻ്റണി ഏലൂര്‍, അസിൻ, ബിനോ, ആശാ മഠത്തില്‍ എന്നിവരും പ്രധാന താരങ്ങളാണ്
