ഇളയദളപതി വിജയ് നായകനാവുന്ന ഏറ്റവും പുതിയ ചിത്രം വാരിസിന്റെ ദീപാവലി സ്പെഷ്യൽ പോസ്റ്ററെത്തി. മാസ് ലുക്കിലാണ് പോസ്റ്ററിൽ താരം. പശ്ചാത്തലത്തിൽ അടികൊണ്ട് കിടക്കുന്ന നിരവധി പേരേയും കാണാം. വാരിസിന്റേതായി പുറത്തുവരുന്ന നാലാമത്തെ പോസ്റ്ററാണിത്. തെലുങ്ക് ചിത്രങ്ങളിലൂടെ പ്രശസ്തനായ വംശി പൈഡിപ്പള്ളി ആദ്യമായി സംവിധാനം ചെയ്യുന്ന തമിഴ് ചിത്രമാണ് വാരിസ്.
വിജയ് രാജേന്ദ്രൻ എന്ന ആപ്പ് ഡിസൈനറായിട്ടാണ് ചിത്രത്തിൽ വിജയ് എത്തുന്നത്. എസ്.ജെ. സൂര്യയും ചിത്രത്തിൽ ഒരു പ്രധാനവേഷത്തിലുണ്ടാവും. വിജയിന്റെ 66-ാം ചിത്രമാണ് വാരിസ്. സിനിമയുടെ ആദ്യഗാനം ദീപാവലി ദിവസം എത്തുമെന്ന് റിപ്പോർട്ടുകളുണ്ടായിരുന്നു. ഇതിനിടെയാണ് ചിത്രത്തിന്റെ പുത്തൻ പോസ്റ്റർ എത്തിയിരിക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വിജയ്ക്കൊപ്പം പ്രകാശ് രാജും ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നുണ്ട്. പതിമൂന്ന് വർഷങ്ങളുടെ ഇടവേളയ്ക്ക് ശേഷം ഇരുവരും ഒന്നിക്കുന്ന ചിത്രമാണിത്. ‘ഗില്ലി’, ‘പോക്കിരി’ തുടങ്ങിയ നിരവധി സൂപ്പർഹിറ്റ് ചിത്രങ്ങളിൽ ഇരുവരും ഒന്നിച്ച് അഭിനയിച്ചിട്ടുണ്ട്. 2009ൽ പ്രഭുദേവ സംവിധാനം ചെയ്ത ‘വില്ല്’ എന്ന സിനിമയിലാണ് പ്രകാശ് രാജും വിജയ്യും അവസാനമായി ഒന്നിച്ച് അഭിനയിച്ചത്.
ശ്രീ വെങ്കടേശ്വര ക്രിയേഷൻസിന്റെ ബാനറിൽ ദിൽ രാജു ആണ് ചിത്രം നിർമിക്കുന്നത്. തമനാണ് ചിത്രത്തിനായി സംഗീതം നിർവഹിക്കുന്നത്. രശ്മിക മന്ദാനയാണ് നായിക. ജയസുധ, ശരത്കുമാർ, ഖുശ്ബു, ശ്രീകാന്ത്, ഷാം, സംഗീത കൃഷ്, സംയുക്ത, യോഗി ബാബു തുടങ്ങിയവരും ചിത്രത്തിൽ പ്രധാന താരങ്ങളാണ്.
