മുവി ഡെസ്ക്ക് ; വിജയ് ആരാധകര്‍ ആകാംക്ഷയോടെ കാത്തിരിക്കുന്ന വെങ്കട് പ്രഭു ചിത്രം ‘ദളപതി 68’ ആരംഭിച്ചു. ചെന്നെെയില്‍ ഒക്ടോബര്‍ രണ്ടിനായിരുന്നു ചിത്രത്തിന്റെ പൂജ. ദളപതി 68 എന്ന് താത്കാലിക പേരിട്ടിരിക്കുന്ന ചിത്രത്തിന് യുവാൻ ശങ്കര്‍ രാജയാണ് സംഗീതമൊരുക്കുന്നത്. ചിത്രത്തിന്റെ രചന നിര്‍വഹിക്കുന്നത് വെങ്കട് പ്രഭുവാണ്.
വെങ്കട്ടും വിജയിയും ആദ്യമായി ഒന്നിക്കുന്ന ചിത്രം കൂടിയാണ് ദളപതി 68. പ്രഭുദേവ, മോഹൻ, പ്രശാന്ത് തുടങ്ങിയ താരങ്ങളും ചിത്രത്തിലുണ്ടെന്നാണ് വിവരങ്ങള്‍. മീനാക്ഷി ചൗധരിയാകും നായികയെന്നും സൂചനകളുണ്ട്‌ എ.ജി.എസ് എന്റര്‍ടെയിൻമെന്റാണ് ചിത്രം നിര്‍മിക്കുന്നത്. എ.ജി.എസ് എന്റര്‍ടെയിൻമെന്റിന്റെ 25-ാം ചിത്രമാണിത്.ചിത്രം 2024ല്‍ റിലീസ് ചെയ്യുമെന്നാണ് സ്ഥിരീകരിക്കാത്ത റിപ്പോര്‍ട്ടുകള്‍. അതേസമയം ചിത്രത്തില്‍ എം എസ് ധോണി വില്ലനായെത്തും എന്ന റിപ്പോര്‍ട്ടുകളും പുറത്തുവന്നിരിന്നു.
