ജയ്പുര്‍: ദേശീയ ഏകദിന ക്രിക്കറ്റ് ടൂര്‍ണമെന്‍റായ വിജയ് ഹസാരെ ട്രോഫിയില്‍ സെമിഫൈനല്‍ തേടി കേരളം. ഇന്ന് നടക്കുന്ന മത്സരത്തിൽ കേരളം സര്‍വിസസിനെ നേരിടും.ജയ്പുരിലെ കെ.എല്‍. സെയ്നി സ്റ്റേഡിയത്തില്‍ രാവിലെ ഒമ്പതിനാണ് മത്സരം തുടങ്ങുക. മറ്റൊരു ക്വാര്‍ട്ടറില്‍ സവായ് മാന്‍സിങ് സ്റ്റേഡിയത്തില്‍ സൗരാഷ്ട്ര വിദര്‍ഭയുമായി ഏറ്റുമുട്ടും.സര്‍വിസസിനെതിരെ സഞ്ജു സാംസണിന്റെ നേതൃത്വത്തിലുള്ള കേരളം വിജയപ്രതീക്ഷയിലാണ്.
സഞ്ജുവിനെ കൂടാതെ സച്ചിന്‍ ബേബി, രോഹന്‍ കുന്നുമ്മല്‍, വിഷ്ണു വിനോദ്, മുഹമ്മദ് അസ്ഹറുദ്ദീന്‍ തുടങ്ങിയവരടങ്ങിയ ബാറ്റിങ് ലൈനപ്പിന് ഓള്‍റൗണ്ടര്‍മാരായ സിജോ മോന്‍ ജോസഫിന്റേയും ജലജ് സക്സേനയുടെയും സാന്നിധ്യം കൂടുതല്‍ കരുത്തേകുന്നു. ബൗളിങ്ങില്‍ മികച്ച ഫോമിലുള്ള എം.ഡി. നിധീഷിന് കൂട്ടായി ബേസില്‍ തമ്പി കൂടി എത്തുന്നതോടെ ബൗളിംഗിലും മികവ് പുലർത്താനാകുമെന്ന പ്രതീക്ഷയിലാണ് കേരളം.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ബാറ്റിങ്ങില്‍ ലഖന്‍ സിങ്, രവി ചൗഹാന്‍, മോഹിത് അഹ്ലാവത്, ബൗളിങ്ങില്‍ ദിവേഷ് പത്താനിയ എന്നിവരാണ് സര്‍വിസസിന്റെ പ്രധാന താരങ്ങള്‍.