ബംഗളൂരു: ചിന്നസ്വാമിയിലെ റണ്ണൊഴുകുന്ന പിച്ചിൽ ടോസ് നേടിയ ഇന്ത്യ നെതർലൻഡ്‌സിന് എതിരെ ബാറ്റിംങ് തിരഞ്ഞെടുത്തു. ലോകകപ്പിലെ അവസാന ലീഗ് മത്സരത്തിലാണ് ഇന്ത്യ ഇന്ന് നെതർലൻഡ്‌സിനെ നേരിടുക. കഴിഞ്ഞ എട്ടു മത്സരങ്ങളിലും ഉജ്വലമായി വിജയിച്ച് ആധികാരികമായി തന്നെ സെമിയിൽ എത്തിയതിനാൽ ഇന്ന് നെതർലൻഡ്‌സിനെ തച്ചു തകർത്ത് സെമിയിൽ ധൈര്യമായി ഇറങ്ങുന്നതിനാവും ഇന്ത്യ ഒരുങ്ങുന്നത്. അൻപതാം സെഞ്ച്വറി തേടിയിറങ്ങുന്ന വിരാട് കോഹ്ലിയുടെ ഫോം തന്നെയാണ് ഇന്ത്യയ്ക്ക് പ്രതീക്ഷ നൽകുന്നത്. ഇരുടീമുകളും മാറ്റങ്ങളൊന്നുമില്ലാതെ തന്നെയാണ് കളത്തിലിറങ്ങുന്നത്.
Advertisements
