സോഷ്യൽ മീഡിയയിലെ കമന്റിന് യേശുദാസിനോട് മാപ്പ് പറഞ്ഞ് നാദിർഷാ; വിവാദമായ കമന്റ് വേദനിപ്പിച്ചെന്നും സംവിധായകൻ

കൊച്ചി: ദിലീപ് നാദിർഷ കൂട്ടുകെട്ടിൽ ഒരുങ്ങുന്ന ‘കേശു ഈ വീടിന്റെ നാഥൻ’ എന്ന ചിത്രത്തിൽ യേശുദാസ് ആലപിച്ച ഗാനത്തിന്റെ മേക്കിംഗ് വീഡിയോ കഴിഞ്ഞ ദിവസം പുറത്തു വന്നിരുന്നു.

ഈ വീഡിയോക്ക് താഴെ യേശുദാസിനെ അപമാനിക്കുന്ന തരത്തിലുള്ള കമന്റ് വന്നിരുന്നു. ‘ഒരു മനോഹര ഗാനം നൽകിയതിന് ദാസേട്ടൻ താങ്കളോടല്ലേ നന്ദി പറയേണ്ടത്. അദ്ദേഹത്തിന് പാട്ടൊന്നും ഇല്ല’ എന്നായിരുന്നു പോസ്റ്റിന് താഴെ എത്തിയ കമന്റ്.

ഈ കമന്റിന് യേശുദാസിനോട് മാപ്പ് ചോദിച്ചാണ് മറുപടി നാദിർഷ കുറിച്ചിരിക്കുന്നത്. ‘താങ്കളുടെ ഈ വാക്കുകൾക്ക്, താങ്കൾക്ക് വേണ്ടി ഞാൻ എന്റെ പ്രിയപ്പെട്ട ദാസേട്ടനോട് മാപ്പ് ചോദിക്കുന്നു’ എന്നായിരുന്നു നാദിർഷായുടെ മറുപടി.