സ്പോർട്സ് ഡെസ്ക്ക് : നാട്ടില്‍ തുടര്‍ച്ചയായ 25 ക്രിക്കറ്റ് പരമ്പരകളില്‍ തോല്‍വിയറിയാതെ മുന്നേറി ലോകറെക്കോഡ് നേടി ടീം ഇന്ത്യ. ന്യൂസീലന്‍ഡിനെതിരായ മൂന്നാം ട്വന്റി 20 ക്രിക്കറ്റില്‍ ബുധനാഴ്ച 168 റണ്‍സിന്റെ ആധികാരിക ജയം നേടിയ ഇന്ത്യ അതിനൊപ്പം ഒരുപിടി റെക്കോഡുകളും സ്വന്തമാക്കി.
2019-ല്‍ ഓസ്ട്രേലിയക്കെതിരായ ഏകദിന പരമ്പരയില്‍ പരാജയപ്പെട്ടശേഷം ഇന്ത്യ എല്ലാ ഫോര്‍മാറ്റുകളിലുമായി തുടര്‍ച്ചയായ 25 പരമ്പരകളാണ് കളിച്ചത്. ട്വന്റി 20 ക്രിക്കറ്റില്‍ 50-ാം വിജയം കുറിച്ച ഇന്ത്യ നാട്ടില്‍ ഇത്രയും ജയം നേടുന്ന ആദ്യ ടീമായി. ന്യൂസീലന്‍ഡ് (42 വിജയം), ദക്ഷിണാഫ്രിക്ക (37) ഓസ്ട്രേലിയ (36) എന്നിവരാണ് ഇന്ത്യയ്ക്ക് പിറകില്‍. ട്വന്റി20യില്‍ ഇന്ത്യയുടെ ഏറ്റവും വലിയ വിജയമാണ് കഴിഞ്ഞദിവസം ന്യൂസിലന്‍ഡിനെതിരെ സ്വന്തമാക്കിയത് (168 റണ്‍സ് വിജയം).
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വെസ്റ്റിന്‍ഡീസിനെതിരേ പാകിസ്താന്‍ നേടിയ 143 റണ്‍സിന്റെ ജയമാണ് ഇന്ത്യ മറികടന്നത് . ട്വന്റി 20 യില്‍ ന്യൂസീലന്‍ഡിന്റെ ഏറ്റവും വലിയ തോല്‍വിയാണ് ഇന്ത്യയോട് നേരിട്ടത്.ന്യൂസീലന്‍ഡിനെതിരെ ട്വന്റി 20 ക്രിക്കറ്റില്‍ ഇന്ത്യയുടെ ഏറ്റവും വലിയ ടോട്ടലാണ് നാലുവിക്കറ്റ് നഷ്ടത്തില്‍ 234 എന്നത്. .ഇന്ത്യയുടെ ഏറ്റവും ഉയര്‍ന്ന മൂന്നാമത്തെ സ്‌കോറും. ഓസ്ട്രേലിയക്കെതിരേ 2018-ല്‍ നേടിയ 245 ആണ് ഏറ്റവും വലിയത്.
