54 ദിവസത്തെ 1973 ലെ ഐതിഹാസിക പണിമുടക്കിന്റെ അമ്പതാം വാർഷികത്തിന്റെ ഭാഗമായി എഫ് എസ് ഇ ടി ഒ ജില്ലാ കമ്മിറ്റി സമരനേതൃസംഗമം സംഘടിപ്പിച്ചു. തീക്ഷ്ണമായ സമരജ്വാലകൾ പുതിയ തലമുറയ്ക്കു പകർന്നുകൊണ്ട് മുൻ കാല നേതാക്കളായ പി കെ കേശവൻ, എം എം ജോർജ്ജ്,സോണി കോമത്ത്, കെ എസ് രാജേന്ദ്രൻ, എം ജി ഗോപിനാഥ്, കെ എൻ ചന്ദ്രിക, പി എം ഇക്കോരൻ, എ എൻ മോഹനൻ, ടി പി വേലായുധൻ, വി സി കുര്യാക്കോസ്, കെ ജി ദിനേശൻ, പി അർജ്ജുനൻ എന്നിവർ സംസാരിച്ചു. എഫ് എസ് ഇ ടി ഒ ജില്ലാ പ്രസിഡന്റ് ഏലിയാസ് മാത്യു അധ്യക്ഷത വഹിച്ച യോഗത്തിന് ജില്ലാ സെക്രട്ടറി ജോഷി പോൾ സ്വാഗതവും ട്രഷറർ ഡയന്യൂസ് തോമസ് നന്ദിയും പറഞ്ഞു. കേരള എൻജിഒ യൂണിയൻ മുൻ സംസ്ഥാന പ്രസിഡന്റ് പി എച്ച് എം ഇസ്മയിൽ, എഫ് എസ് ഇ ടി ഒ സംസ്ഥാന കമ്മിറ്റി അംഗം എൽ മാഗി, കേരള എൻജിഒ യൂണിയൻ സംസ്ഥാന സെക്രട്ടേറിയറ്റ് അംഗം കെ കെ സുനിൽകുമാർ, കെ എസ് ടി എ സംസ്ഥാന വൈ.പ്രസിഡന്റ് കെ വി ബെന്നി,സി യു ഇ ഒ ജനറൽ സെക്രട്ടറി ഹരിലാൽ, എ കെ ജി സി ടി സംസ്ഥാന വൈ.പ്രസിഡന്റ് സന്തോഷ് ടി വർഗ്ഗീസ് എന്നിവർ സന്നിഹിതരായി.
ഫോട്ടോ:സമര നേതൃസംഗമം സി ഐ ടി യു ജില്ലാ പ്രസിഡന്റ് ജോൺ ഫെർണാണ്ടസ് ഉദ്ഘാടനം ചെയ്യുന്നു.
