കടുത്തുരുത്തി: ആയാംകുടി ഹൈസ്കൂളിന്റെ നവതി ആഘോഷ സമ്മേളനം നടന്നു . പൂർവ്വ വിദ്യാർത്ഥികളുടെയും പിടിഎ ,എംപിടിഎ ഭാരവാഹികളുടെയും നാട്ടുകാരുടെയും സജീവ സാന്നിധ്യവും സഹകരണം കൊണ്ടും “നിറവ്” പോഗ്രാം നടന്നു .
വിദ്യാലയങ്ങൾക്കെല്ലാം മാതൃകയാകുന്ന വിധത്തിൽ പഠനനിലവാരത്തിലും കല – കായിക മേഖലകളിലും മികവ് പുലർത്തി കൊണ്ട് വരും തലമുറയ്ക്ക് പ്രചോദനം നെൽകാൻ ആയാംകുടി ഹൈസ്കൂളിന് സാധിച്ചുവെന്ന് നവതി ആഘോഷ സമ്മേളനം ഉദ്ഘാടനം ചെയ്തു കൊണ്ട് അഡ്വ. മോൻ സ് ജോസഫ് എംഎൽഎ സംസാരിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
നവതി ആഘോഷ സമ്മാനമായി എംഎൽഎ ഫണ്ടിൽ നിന്നും സ്കൂളിലേക്ക് 6 ലാപ്ടോപ്പുകൾ (3 ലക്ഷം രൂപ)അനുവദിക്കുന്നതായും അദ്ദേഹം അറിച്ചു.സ്കൂൾ മാനേജർ ആയാംകുടി വാസുദേവൻ നമ്പൂതിരി അധ്യക്ഷത വഹിച്ച യോഗത്തിൽ സിനി ആർട്ടിസ്റ്റ് ഹർഷിത ജെ പിഷാരടി,പഞ്ചായത്ത് വൈസ് പ്രസിഡന്റ് സി.ബി പ്രമോദ് ,സിനി ആർട്ടിസ്റ്റ് ഹരി കൃഷ്ണൻ ,ഹെഡ്മാസ്റ്റർ ബിജുകുമാർ ടി.എസ്, ശ്രീകല എ.ബി, സൗമ്യ എ,രവീന്ദ്രൻ കെ.എ,സ്മിതാ ബേബി, ജ്യോതി ആർ നായർ, അദിഷ് സ്നേഹജൻ എന്നിവർ സംസാരിച്ചു.
