പത്തനംതിട്ട : ഇന്ത്യൻ മതേതരത്വത്തെ തകർക്കുന്ന സംഘപരിവാർ ശക്തികളെ വെല്ലുവിളിച്ച് മുന്നോട്ടുപോകുന്ന രാഹുൽ ഗാന്ധിയെ തളർത്തുന്നതിന് വേണ്ടി സംഘപരിവാർ ശക്തികൾ ഒരുമിക്കുമ്പോൾ അതിനെ പ്രതിരോധിക്കേണ്ടുന്ന ദൗത്യം കെഎസ് യു ഏറ്റെടുക്കുമെന്ന് കെഎസ്‌യു സംസ്ഥാന പ്രസിഡണ്ട് അലോഷ്യസ് സേവ്യർ. കെ.എസ്.യു പത്തനംതിട്ട ജില്ലാ കമ്മിറ്റിയുടെ ആഭിമുഖ്യത്തിൽ സെൻട്രൽ പോസ്റ്റ് ഓഫീസിലേക്ക് നടത്തിയ പ്രതിഷേധ മാർച്ച് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പോസ്റ്റ് ഓഫീസിലേക്ക് തള്ളി കയറാൻ ശ്രമിച്ച പ്രവർത്തകരെ പോലീസ് ബലം പ്രയോഗിച്ചു നീക്കി. കെഎസ്‌യു ജില്ലാ പ്രസിഡണ്ട് അൻസാർ മുഹമ്മദ് അധ്യക്ഷത വഹിച്ചു. ജില്ലാ സെക്രട്ടറിമാരായ നിതിൻ മണക്കാട്ട്മണ്ണിൽ, അലൻ ജിയോ മൈക്കിൾ, നിയോജകമണ്ഡലം പ്രസിഡണ്ട് നേജോ മെഴുവേലി, ജില്ലാ കമ്മിറ്റി അംഗങ്ങളായ തദാഗത് ബി. കെ, സ്റ്റൈൻസ്, ഭാരവാഹികളായ ഗണേഷ്, ജോൺ കിഴക്കേതിൽ, ടെറിൻ,മെബിൻ നിരവേൽ,സെബി, ആൽവിൻ, ജോബി, അഖിൽ തുടങ്ങിയവർ പരിപാടിക്ക് നേതൃത്വം നൽകി.
