ഗജറാണിമാർ ഇന്ന് കൊടുങ്ങൂരിൽ അണിനിരക്കും;പിടിയാനകളുടെ ഗജമേളയും പൂരവും ഇന്ന്

കോട്ടയം :കൊടുങ്ങൂർ ദേവീക്ഷേത്രത്തിലെ പൂരവും പിടിയാനകളുടെ ഗജമേളയും ഇന്ന്

ഇന്ന് രാവിലെ 11-മുതൽ 12.30-വരെയാണ് ചടങ്ങുകൾ. കേരളത്തിന്റെ വിവിധ ഭാഗങ്ങളിൽനിന്നെത്തുന്ന ഒൻപത് പിടിയാനകളാണ് ഗജമേളയിൽ അണിനിരക്കുന്നത്.

തോട്ടയ്ക്കാട് പാഞ്ചാലിയാണ് കൊടുങ്ങൂരമ്മയുടെ തിടമ്പേറ്റുന്നത്.

ക്ഷേത്രമൈതാനത്ത് നടത്തുന്ന ഗജമേളയിൽ ഗുരുവായൂർ ദേവി, പ്ലാത്തോട്ടം മീര, വേണാട്ടുമറ്റം കല്യാണി, തോട്ടയ്ക്കാട് കുഞ്ഞുലക്ഷ്മി, പ്ലാത്തോട്ടം ബീന, കുമാരനല്ലൂർ പുഷ്പ, മഹാലക്ഷ്മി പാർവതി, വേണാട്ടുമറ്റം ചെമ്പകം എന്നീ പിടിയാനകളും അണിനിരക്കും.