പാലക്കാട്:കേരളശ്ശേരിയില്‍ വീട്ടിലുണ്ടായ സ്‌ഫോടനത്തില്‍ ഒരാള്‍ മരിച്ചു. മരിച്ചയാളെ തിരിച്ചറിഞ്ഞിട്ടില്ല.
Advertisements
കേരളശേരി കാവിൽ അബ്ദുള്‍ റസാഖ് എന്നയാളുടെ വീടിനോട് ചേര്‍ന്ന് പടക്കനിര്‍മ്മാണ സാമഗ്രികള്‍ സൂക്ഷിച്ച ചായ്പിലാണ് പൊട്ടിത്തെറി ഉണ്ടായത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
രാവിലെ 10 മണിയോടെയാണ് സംഭവം. ഗ്യാസ് സിലിണ്ടര്‍ പൊട്ടിത്തെറിച്ചതാണെന്നാണ് സമീപവാസികള്‍ ആദ്യം കരുതിയത്. സ്ഥലത്ത് എത്തിയപ്പോഴാണ് പടക്കനിര്‍മ്മാണ സാമഗ്രികള്‍ സൂക്ഷിച്ച സ്ഥലത്താണ് സ്‌ഫോടനം നടന്നതെന്ന് വ്യക്തമായത്.
പടക്കനിര്‍മ്മാണ സമയത്ത് റസാഖ് വീട്ടിലുണ്ടായിരുന്നതായാണ് വിവരം. ഇദ്ദേഹത്തിന്റെ ഭാര്യ സമീപത്തുള്ള വീട്ടിലായിരുന്നുവെന്ന് കണ്ടെത്തി. സ്‌ഫോടനത്തിന് ശേഷം വീട്ടുടമ റസാഖിനെ കാണാനില്ലെന്ന് നാട്ടുകാര്‍ സൂചിപ്പിച്ചു.
പൊലീസും ഫൊറന്‍സിക് സംഘവും സംഭവസ്ഥലത്തെത്തി തെളിവുകള്‍ ശേഖരിച്ചു. അന്വേഷണം പുരോഗമിക്കുകയാണ്.
