ന്യൂസ് ഡെസ്ക് : പി.വി അൻവര്‍ എം.എല്‍.എക്കെതിരെ രൂക്ഷ വിമര്‍ശനവുമായി പ്രതിപക്ഷ നേതാവ് വി.ഡി സതീശൻ. ചെസ്റ്റ് നമ്പര്‍ കൊടുത്ത് മാധ്യമങ്ങള്‍ പൂട്ടിക്കും എന്ന് പറയാൻ അൻവറിന് ആരാണ് അവകാശം കൊടുത്തതെന്നും മുഖ്യമന്ത്രിയും കേരളത്തിലെ പൊലീസ് സംവിധാനവും അറിഞ്ഞുകൊണ്ടാണോ ഇത് ചെയ്യുന്നതെന്നും അദ്ദേഹം ചോദിച്ചു.അൻവറും പിറകെ പോകുന്ന പൊലീസും തമ്മില്‍ എന്ത് ബന്ധമാണുള്ളത്.
വേണമെങ്കില്‍ ഗുണ്ടായിസം കാണിക്കുമെന്ന് വരെ പറയുകയാണ് മാധ്യമപ്രവര്‍ത്തകര്‍ക്ക് നേരെ. ഞങ്ങള്‍ക്ക് ഇഷ്ടമില്ലാത്ത വാര്‍ത്തകര്‍ എഴുതിയാല്‍ നിങ്ങളെ കൈകാര്യം ചെയ്യും എന്ന് സി.പി.എമ്മിന്റെ ഒരു എം.എല്‍.എ പരസ്യമായി സമൂഹ മാധ്യമങ്ങളിലൂടെ വിമര്‍ശിക്കാൻ ആരാണ് ധൈര്യം കൊടുത്തത്. സര്‍ക്കാറാണോ, സി.പി.എമ്മാണോ?. മുഖ്യമന്ത്രിയും ഡി.ജി.പിയും വ്യക്തമാക്കണം. അൻവര്‍ പറഞ്ഞതനുസരിച്ചിട്ടാണ് മാധ്യമങ്ങളില്‍ റെയ്ഡ് നടത്തുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മാധ്യമപ്രവര്‍ത്തകരെ ആക്ഷേപിക്കുന്നത്. ഒരു എം.എല്‍.എയുടെ ഫേസ്ബുക്ക് പേജില്‍ വന്നാല്‍ പിന്നെ മാധ്യമപ്രവര്‍ത്തകര്‍ക്കെതിരായ സൈബര്‍ ആക്രമണമാണ്. അവരുടെ മൂന്ന് തലമുറക്കെതിരായ ആക്രമണമാണ്. മാധ്യമപ്രവര്‍ത്തകരുടെ വീടുകള്‍ റെയ്ഡ് ചെയ്യുകയാണ്. എന്താണ് കേരളത്തില്‍ നടക്കുന്നതെന്ന് ഗവണ്‍മെന്റ് വ്യക്തമാക്കണമെന്നും അദ്ദേഹം ആവശ്യപ്പെട്ടു.
‘ഇവിടെ മാധ്യമങ്ങള്‍ക്ക് നേരെ തുടര്‍ച്ചയായ ആക്രമണം നടക്കുകയാണ്. ഞങ്ങള്‍ സി.പി.എമ്മിനോട് ചോദിക്കുകയാണ്, ആരാണ് ഈ പി.വി അൻവര്‍. സമൂഹ മാധ്യമങ്ങളിലൂടെ ഓണ്‍ലൈൻ മാധ്യമങ്ങളുടെ, മുഖ്യധാര മാധ്യമങ്ങളുടെ ചെസ്റ്റ് നമ്പര്‍ കൊടുത്ത് അത് പൂട്ടിക്കും എന്ന് പറയാൻ അൻവറിന് ആരാണ് അവകാശം കൊടുത്തത്. കേരളത്തിലെ പൊലീസ് സംവിധാനം അറിഞ്ഞുകൊണ്ടാണോ ഇത് ചെയ്യുന്നത്, മുഖ്യമന്ത്രി അറിഞ്ഞുകൊണ്ടാണോ ഇത് ചെയ്യുന്നത്? സമൂഹ മാധ്യമങ്ങളിലൂടെ നിന്നെ പൂട്ടിക്കും എന്ന് പറഞ്ഞ് ചെസ്റ്റ് നമ്പര്‍ കൊടുക്കുകയാണ് ഒരു സി.പി.എം എം.എല്‍.എ. അതിന് പിറകെ പൊലീസ് പോകുന്നു. ഈ അൻവറും പിറകെ പോകുന്ന പൊലീസും തമ്മില്‍ എന്ത് ബന്ധമാണുള്ളത് എന്നും സതീശൻ പറഞ്ഞു.
