കോട്ടയം: അയ്മനത്ത് വീട് ഇടിഞ്ഞു വീണു. കനത്ത മഴയിൽ ബലക്ഷയം വന്ന വീടാണ് ഇടിഞ്ഞു വീണത്. അയ്മനം പഞ്ചായത്തിൽ രണ്ടാം വാർഡിൽ മധുരത്തറ വീട്ടിൽ ബാബുവിൻ്റെ വീടിൻ്റെ മേൽകൂരയാണ് ഇടിഞ്ഞു വീണത്. ആർക്കും അപകടമില്ല. വെള്ളപ്പൊക്കത്തിൽ ബലക്ഷയം വന്ന വീടായിരുന്നു. ബാബുവും ഭാര്യ ഷൈലയും രണ്ടു കുട്ടികളും അടങ്ങുന്ന കുടുംബം ഈ വീട്ടിലാണ് താമസം. ലൈഫ് ഭവനപദ്ധതിയിൽ വീട് അനുവദിച്ചിട്ടുണ്ടെങ്കിലും മുൻഗണനാ പരിധിയിൽ പിറകിലായതിനാൽ പുതിയ വീട് പണിയുന്നതിനായി അധികൃതരുടെ അനുമതിക്കായി കാത്തിരിക്കുകയാണ് ഈ കുടുംബം.
Advertisements
