കൊച്ചി : സംസ്ഥാനജീവനക്കാർക്കായി എൻ ജി ഒ യൂണിയൻ ജില്ലാ കലാകായിക സമിതിയായ സംഘസംസ്കാര ജില്ലാതല ചെസ്-ക്യാരംസ് മത്സരങ്ങൾ സംഘടിപ്പിച്ചു.
കാക്കനാട് എൻ ജി ഒ യൂണിയൻ ഹാളിൽ നടന്ന മത്സരങ്ങൾ ഇന്റർനാഷണൽ ഷട്ടിൽ ബാഡ്മിന്റൺ ചാമ്പ്യൻ സ്നേഹ ശാന്തിലാൽ ഉദ്ഘാടനം ചെയ്തു. ജില്ലാ പ്രസിഡന്റ്‌ കെ. എസ് ഷാനിൽ അധ്യക്ഷത വഹിച്ചു. സംസ്ഥാന സെക്രട്ടറിയേറ്റ് അംഗം കെ. കെ സുനിൽ കുമാർ സംസാരിച്ചു. ജില്ലാ സെക്രട്ടറി കെ. എ അൻവർ സ്വാഗതവും
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കലാകായിക സമിതി കൺവീനർ എൻ. ബി മനോജ്‌ നന്ദിയും പറഞ്ഞു.
ചെസ് മത്സരത്തിൽ സനോജ് കെ. എസ് ( കൊച്ചി കോർപ്പറേഷൻ സോണൽ ഓഫീസ്, ഫോർട്ട്‌ കൊച്ചി ) ഒന്നാം സ്ഥാനവും, ധനുലാൽ കെ. ആർ (വടവുകോട് -പുത്തൻകുരിശ് പഞ്ചായത്ത് ) രണ്ടാം സ്ഥാനവും നേടി. ക്യാരംസ് മത്സരത്തിൽ മനോജ്‌. ടി ( ജില്ല ട്രഷറി എറണാകുളം ), ഗിരീഷ്. എസ്. കെ (ജില്ലാ ട്രഷറി എറണാകുളം )എന്നിവർ ഒന്നാം സ്ഥാനവും, രതീഷ് പി. വി (എസ്. പി ഓഫീസ് ആലുവ ), ഷിജിത് എൻ. എസ്( എസ്. പി ഓഫീസ്, ആലുവ )എന്നിവർ രണ്ടാം സ്ഥാനവും നേടി. ഒന്നാം സ്ഥാനം നേടിയവർ സെപ്റ്റംബർ 3 ന് എറണാകുളത്ത് നടക്കുന്ന സംസ്ഥാനതല മത്സരത്തിൽ പങ്കെടുക്കും.
