കോട്ടയം : തിരുനക്കര പഴയ ബസ് സ്റ്റാന്‍ഡിന്റെ അപകടാവസ്ഥയെ തുടര്‍ന്ന് കോട്ടയം നഗരത്തില്‍ ആഗസ്റ്റ് 23 മുതല്‍ ഏര്‍പ്പെടുത്തിയ ഗതാഗത ക്രമീകരണം.
1. നാഗമ്പടം ബസ് സ്റ്റാന്‍ഡില്‍ നിന്നും മെഡിക്കല് കോളേജ്, ഏറ്റുമാനൂര്‍ ഭാഗത്തേക്ക് പോകുന്ന വാഹനങ്ങള്‍ പതിവ് റൂട്ടിലൂടെ വന്ന് ഗാന്ധി സ്കയറില്‍ (R.R ജംഗ്ഷന്‍) നിന്നും ഇടത്തോട്ട് തിരിഞ്ഞ് തിരുനക്കര ക്ഷേത്രത്തിന് മുന്‍വശം വഴി വന്ന് ചിത്രാ സ്റ്റുഡിയോയ്ക്ക് സമീപം നിര്‍ത്തി ആളെ കയറ്റി പോകേണ്ടതാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
2. ചുങ്കം, വാരിശ്ശേരി, മെഡിക്കല് കോളേജ് ഭാഗത്തേക്ക് പോകുന്ന ബസുകളും മേല്‍ പറഞ്ഞ രീതിയില്‍ പോകേണ്ടതാണ്.
3. ചങ്ങനാശ്ശേരി ഭാഗത്ത് നിന്നും എം.സി റോഡെ വരുന്ന ബസുകളും, കഞ്ഞിക്കുഴി ഭാഗത്തു നിന്നും കെ.കെ റോഡെ വരുന്ന ബസുകളും പോസ്റ്റാഫീസിന് മുന്‍ഭാഗത്ത് എം.സി റോഡില്‍ നിര്‍ത്തി ആളെയിറക്കി ശാസ്ത്രി റോഡ്- കുര്യന്‍ ഉതുപ്പ് റോഡ് വഴി നാഗമ്പടം സ്റ്റാന്‍ഡിലേക്ക് പോകേണ്ടതാണ്.
4. ബാക്കിയുള്ള സര്‍വ്വീസുകള്‍ നിലവിലുള്ള രീതിയില്‍ തന്നെ സര്‍വ്വീസ് നടത്തേണ്ടതാണ്.
