ആലപ്പുഴ : സപ്ലൈക്കോ എടത്വ സൂപ്പര്‍ മാര്‍ക്കറ്റില്‍ കേരള സര്‍ക്കാരിന്റെ ഓണം ഫെസ്റ്റിന്റെ ഭാഗമായി കുട്ടനാട് താലൂക്ക് ഫെയര്‍ ആരംഭിച്ചു. എടത്വ ഗ്രാമ പഞ്ചായത്ത് പ്രസിഡന്റ് ലിജി വര്‍ഗീസ് ഉദ്ഘാടനം നിര്‍വഹിച്ചു. ഗ്രാമ പഞ്ചായത്ത് അംഗം ബാബു മണ്ണാംതുരുത്തില്‍ അധ്യക്ഷത വഹിച്ച ചടങ്ങിൽ സപ്ലൈക്കോ അസി. മാനേജര്‍ റഹ്മത്തുള്ള, ഓഫീസര്‍ ഇന്‍ ചാര്‍ജ്ജ് എസ്. ഷുക്കൂര്‍, സുശീലന്‍, വി.കെ. സേവ്യര്‍, അജി കോശി എന്നിവര്‍ പ്രസംഗിച്ചു. ഓഗസ്റ്റ് 23 മുതല്‍ ഓഗസ്റ്റ് 28 വരെ ഫെയര്‍ പ്രവര്‍ത്തിക്കും. ശബരി ഉത്പന്നങ്ങള്‍ക്ക് 25 മുതല്‍ 40 ശതമാനം വരെ ഡിസ്‌കൗണ്ട് ലഭിക്കും. കൂടാതെ വിലക്കുറവില്‍ പച്ചക്കറി സ്റ്റാളും ഒരുക്കിയിട്ടുണ്ട്.
Advertisements
