കോട്ടയം: മാങ്ങാനം പാലൂർപ്പടി വളവിൽ കാറും പിക്കപ്പ് വാനും കൂട്ടിയിടിച്ച് അപകടം. ഇരുവാഹനങ്ങളിലുമുള്ളവര്ക്ക് ആർക്കും പരിക്കില്ല. ശനിയാഴ്ച രാത്രി 10.50-നായിരുന്നു അപകടം. പുതുപ്പള്ളി ഭാഗത്തേയ്ക്ക് പോയ കാറും കോട്ടയത്തേയ്ക്ക് വരുകയായിരുന്ന പിക്കപ്പുമാണ് അപകടത്തിൽപ്പെട്ടത്. കാറിനാണ് മുൻവശത്ത് കൂടുതൽ കേടുപാട്. മുൻഭാഗത്തെ ഒരു ടയറും ഊരിത്തെറിച്ചു. കോട്ടയം അഗ്നിരക്ഷാസേന ഗ്രേഡ് അസി. സ്റ്റേഷൻ ഓഫീസർ പി.ഇ.സന്തോഷിന്റെ നേതൃത്വത്തിൽ രഞ്ജുകൃഷ്ണ, സജിൻ, സുവിൻ, സൂരജ്, രമേഷ്കുമാര് തുടങ്ങിയവർ സ്ഥലത്തെത്തി. ഇവർ വടം ഉപയോഗിച്ച് റോഡിന്റെ നടുക്ക് നിന്നും വാഹനം റോഡരുകിലേയ്ക്ക് നീക്കിയിട്ടു.
Advertisements
