കോട്ടയം: ഗാന്ധിനഗർ മെഡിക്കൽ കോളേജ് റോഡിൽ വാഹനാപകടം. മദ്യലഹരിയിലെത്തിയ സംഘം അമിത വേഗത്തിൽ സഞ്ചരിച്ച പിക്കപ്പ് ജീപ്പ് റോഡരികിലെ കൈവരിയിൽ ഇടിച്ചു നിന്നു. ഇതുവഴി എത്തിയ രണ്ടു വാഹനങ്ങളിൽ ഇടിച്ച ശേഷമാണ് പിക്കപ്പ് ജീപ്പ് റോഡരികിലെ കൈവരിയിൽ ഇടിച്ചു നിന്നത്. അപകടം കണ്ട് നാട്ടുകാർ കൂടിയതോടെ പിക്കപ്പ് ജീപ്പിനുള്ളിലുണ്ടായിരുന്ന ആളുകൾ ഓടിരക്ഷപെട്ടു. നാട്ടുകാർ പ്രതിഷേധവുമായി എത്തിയെങ്കിലും അപകടത്തിന് ഇടയാക്കിയ പിക്കപ്പിന്റെ ഡൈ്വവർ പുറത്തിറങ്ങാൻ തയ്യാറായില്ല. തുടർന്ന്, സ്ഥലത്ത് എത്തിയ പൊലീസ് സംഘമാണ് ബലം പ്രയോഗിച്ച് ഡ്രൈവറെ പുറത്ത് എത്തിച്ചത്. അപകടത്തിൽ ആർക്കും കാര്യമായി പരിക്കേറ്റിട്ടില്ല. ഡ്രൈവരെ ഗാന്ധിനഗർ പൊലീസ് കസ്റ്റഡിയിൽ എടുത്തു. വെള്ളിയാഴ്ച ഉച്ചയ്ക്ക് 12 മണിയോടെയായിരുന്നു അപകടം.
Advertisements
