മുംബൈ : മുകേഷ് അംബാനിയുടെ കമ്ബനിയായ റിലയൻസ് ഏറ്റവും പുതിയ പ്രോജക്റ്റായ ജിയോ വേള്‍ഡ് പ്ലാസയിലൂടെ റീടൈല്‍ മേഖലയില്‍ കുതിച്ചുചാട്ടം നടത്തുന്നു. രാജ്യത്തെ ഏറ്റവും ആഡംബര മാള്‍ ആണ്. ജിയോ വേള്‍ഡ് പ്ലാസ. ലോകത്തെ നിരവധി ആഡംബര ബ്രാൻഡുകള്‍ ഇതിനകം തന്നെ ജിയോ വേള്‍ഡ് പ്ലാസയില്‍ സ്റ്റോറുകള്‍ ആരംഭിക്കാൻ കരാര്‍ ഒപ്പിട്ടിട്ടുണ്ട്.
മുംബൈയിലെ ബാന്ദ്ര കുര്‍ള കോംപ്ലക്‌സിലാണ് ജിയോ വേള്‍ഡ് പ്ലാസ സ്ഥിതി ചെയ്യുന്നത്. റിലയൻസ് ഇൻഡസ്ട്രീസ് ലിമിറ്റഡിന്റെ ഈ പുതിയ സംരംഭത്തിലൂടെ നിരവധി ആഡംബര അന്താരാഷ്ട്ര ബ്രാൻഡുകള്‍ ഇന്ത്യയില്‍ തങ്ങളുടെ റീട്ടെയില്‍ വിപണി വിപുലീകരിക്കാൻ ഒരുങ്ങുകയാണ്. ഗൂച്ചി, കാര്‍ട്ടിയര്‍, ലൂയി വിറ്റണ്‍ തുടങ്ങിയ ആഡംബര ബ്രാൻഡുകളും ഇതിനകം കരാര്‍ ഒപ്പുവച്ചിട്ടുണ്ട്. ഈ വര്‍ഷം തന്നെ ജിയോ വേള്‍ഡ് പ്ലാസ പ്രവര്‍ത്തനം ആരംഭിച്ചേക്കും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇന്ത്യയിലെ ഉത്സവ സീസണിന് മുന്നോടിയായി, ജിയോ വേള്‍ഡ് പ്ലാസ തുറന്നേക്കും. ഇതോടെ ഒരു ഡസനിലധികം ആഡംബര വിദേശ ബ്രാൻഡുകള്‍ ഇന്ത്യൻ വിപണിയില്‍ പ്രവേശിക്കുമെന്നാണ് പ്രതീക്ഷ. ഇവയില്‍ ഭൂരിഭാഗവും മുകേഷ് അംബാനിയുടെ മകള്‍ ഇഷ അംബാനിയുടെ നേതൃത്വത്തിലുള്ള റിലയൻസ് റീട്ടെയിലിന്റെ പങ്കാളികളാണ്.
ജിയോ വേള്‍ഡ് പ്ലാസയിലെ സ്റ്റോറുകളുടെ വാടക പ്രതിമാസം 40.50 ലക്ഷം രൂപയാണ്. മുകേഷ് അംബാനിയുടെ മാളിലൂടെ ഇന്ത്യയിലേക്ക് വരാൻ പോകുന്ന ആഡംബര അന്താരാഷ്ട്ര ബ്രാൻഡുകളുടെ ഒരു ലിസ്റ്റ് ഇതാ –
ലൂയി വിറ്റണ്‍
ഗുച്ചി
കാര്‍ട്ടിയര്‍
ബര്‍ബെറി
ബള്‍ഗേറിയ
ഡിയോര്‍
IWC ഷാഫ്‌ഹൗസൻ
റിമോവ
റിച്ചെമോണ്ട്
കെറിംഗ്
