കോട്ടയം : എംസി റോഡിൽ കോട്ടയം നീലിമംഗലത്ത് സ്കൂട്ടർ യാത്രക്കാരനെ പിക്കപ്പ് ജീപ്പ് ഇടിച്ചുവീഴ്ത്തി. അപകടത്തിൽപ്പെട്ട യാത്രക്കാരൻ ഗുരുതരമായി പരിക്കേറ്റ് റോഡിൽ വീണ് കിടന്നെങ്കിലും , ജീപ്പ് നിർത്താതെ ഓടിച്ച് പോയി. ബുധനാഴ്ച രാത്രി എട്ട് മണിയോടെ നീലിമംഗലം ഫെഡറൽ ബാങ്കിന് മുന്നിലായിരുന്നു അപകടം. ഏറ്റുമാനൂർ ഭാഗത്തേക്ക് പോകുകയായിരുന്ന സ്കൂട്ടറിനെ
റോഡിൽ തിരിയുകയായിരുന്ന പിക് അപ് ജീപ്പ് ഇടിക്കുകയായിരുന്നു. ഇടിയുടെ ആഘാതത്തിൽ സ്കൂട്ടർ യാത്രക്കാരൻ റോഡിൽ വീണു. ഓടി കൂടിയ നാട്ടുകാർ ചേർന്ന് ഇയാളെ കോട്ടയം മെഡിക്കൽ കോളേജ് ആശുപത്രിയിൽ എത്തിച്ചു.
Advertisements
