പത്തനംതിട്ട : സംസ്ഥാന സ്പോര്‍ട്സ് കൗണ്‍സിലിന്റെയും, പത്തനംതിട്ട ജില്ലാ സ്പോര്‍ട്സ് കൗണ്‍സിലിന്റെയും, സ്റ്റേറ്റ്ചെസ് ടെക്നിക്കല്‍ കമ്മിറ്റിയുടേയും ആഭിമുഖ്യത്തില്‍ പത്തനംതിട്ട എസ് ഡിഎ സ്‌കൂളില്‍ നടന്ന അണ്ടര്‍ 15 ചെസ് ചാമ്പ്യന്‍ഷിപ്പ് ജില്ല സ്പോര്‍ട്സ് കൗണ്‍സില്‍ പ്രസിഡന്റ് കെ അനില്‍കുമാര്‍ ഉദ്ഘാടനം ചെയ്തു. വിജയികള്‍ക്കും പങ്കെടുത്തവര്‍ക്കും കേരള സ്പോര്‍ട്സ് കൗണ്‍സിലിന്റെ അംഗീകൃത സര്‍ട്ടിഫിക്കറ്റുകള്‍ വിതരണം ചെയ്തു. വ്യക്തിഗത ചാമ്പ്യന്മാരായി ആര്‍ കവിന്‍ ഒവിയന്‍, എ വൈഗ, ദിലീഷ് എന്നിവരെ തിരഞ്ഞെടുത്തു. ടെക്നിക്കല്‍ കമ്മിറ്റി അംഗം ഡോ.മനോജ് അധ്യക്ഷത വഹിച്ച ചടങ്ങില്‍ എസ് ഡി എ സ്‌കൂള്‍ പ്രിന്‍സിപ്പല്‍ ഷാജി എബ്രഹാം, ഒബ്സര്‍വര്‍ പി ആര്‍ ഗിരീഷ്, ബിജുകുമാര്‍, ജി രാജശ്രീ, സി പി ഷിജിത്ത് , കെ കെ പ്രസാദ് , ശ്രീലേഖ, അനൂപ്, റോബിന്‍ വിളവിനാല്‍, ജബരാജ് എന്നിവര്‍ തുടങ്ങിയവര്‍ പങ്കെടുത്തു.
