പാലാ : തൊടുപുഴ ഹൈവേയിൽ വീണ്ടും അപകടം. പൊൻകുന്നം റോഡിൽ കഴിഞ്ഞ ദിവസം രാത്രിയിലുണ്ടായ അപകടത്തിൽ മൂന്നുപേർ മരിച്ചിരുന്നു. ഇതിന് പിന്നാലെയാണ് രാത്രി തൊടുപുഴ റൂട്ടിൽ അപകടം ഉണ്ടായത്. അയ്യപ്പ ഭക്തർ സഞ്ചരിച്ച കാർ അപകടത്തിൽപ്പെട്ടാണ് മുന്ന് പേർക്ക് പരിക്കേറ്റത്. അപകടത്തിൽ പരുക്കേറ്റ തൃശൂർ ചേർപ്പു സ്വദേശികളായ ദിനേഷ് കുമാർ (63) സ്വർണ കുമാരി (56) അഡ്വിക് അനീഷ് (10) എന്നിവരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. പാലാ – തൊടുപുഴ ഹൈവേയിൽ കുറിഞ്ഞി ഭാഗത്ത് ഇന്ന് പുലർച്ചെ 4.45 ഓടെയാണ് അപകടം ഉണ്ടായത്. തൃശൂരിൽ നിന്നു പുലർച്ചെ രണ്ടരയോടെ ശബരിമലക്ക് തിരിച്ച സംഘമാണ്. 4 പേർ ഉണ്ടായിരുന്നു. ഒരാൾ പരുക്കേൽക്കാതെ രക്ഷപെട്ടു.
Advertisements
