കോട്ടയം : പൂഞ്ഞാർ മുതുകോരമലയിൽ രണ്ട് യുവാക്കൾ കുടുങ്ങി. വിനോദ സഞ്ചാരികളായ യുവാക്കളാണ് കുടുങ്ങിയത്. തിരിച്ച് ഇറങ്ങാൻ വഴി അറിയാതെ യുവാക്കൾ മലയിൽ തുടരുകയാണ്. മലയിൽ കയറിയ ഇരുവുരും താഴെ ഇറങ്ങാൻ ശ്രമിച്ചെങ്കിലും സാധിച്ചില്ല. തുടർന്ന് ഇവർ തന്നെ അഗ്നി രക്ഷാ സേനാ സംഘത്തെ വിവരം അറിയിക്കുകയായിരുന്നു. തുടർന്ന് അഗ്നി രക്ഷാ സേനാ സംഘം സ്ഥലത്ത് എത്തി. തുടർന്ന് ഇരുവരെയും രക്ഷിക്കുകയായിരുന്നു. ഈരാറ്റുപേട്ട സ്വദേശികളായ യുവാക്കളാണ് മലയിൽ കുടുങ്ങിയത്. തിങ്കളാഴ്ച ഉച്ചയോടെ ഇരുവരും വിനോദസഞ്ചാരത്തിന്റെ ഭാഗമായാണ് മലയിൽ കയറിയത്. മലയിൽ നിന്നും താഴേക്ക് മറ്റൊരു വഴിയിലൂടെ ഇറങ്ങാൻ ശ്രമിച്ചപ്പോൾ ഇവർ കുടുങ്ങുകയായിരുന്നു. തുടർന്ന് ഇവർ സ്വന്തം ഫോണിൽ നിന്നും അഗ്നിരക്ഷാ സേനാ സംഘത്തെ വിവരം അറിയിച്ചു. അഗ്നിരക്ഷാസേന സംഘം എത്തിയാണ് രണ്ടുപേരെയും രക്ഷിച്ചത്. പ്രദേശത്ത് ശക്തമായ കോടമഞ്ഞ് ഉണ്ടായിരുന്നത് രക്ഷാപ്രവർത്തനത്തെ തടസ്സപ്പെടുത്തിയിരുന്നു.
