കൊച്ചി : അടുക്കളയില്‍ പൊതുവെ ഉപയോഗിക്കുന്ന കട്ടിങ് ബോര്‍ഡുകള്‍ അപകടകാരികളായും മാറാറുണ്ട്. പച്ചക്കറികള്‍ അരിയാനും മറ്റുമായി മിക്ക വീടുകളിലും കട്ടിങ് ബോഡുകള്‍ ഉപയോഗിക്കാറുണ്ട്.പ്ലാസ്റ്റിക്കും തടിയും മുളയും റബ്ബറും ഉപയോഗിച്ചുള്ള കട്ടിങ് ബോര്‍ഡുകളാണ് വിപണിയില്‍ ലഭ്യമാകുന്നത്. കട്ടിങ് ബോര്‍ഡ് ഉപയോഗിച്ച്‌ പച്ചക്കറി അരിയുമ്ബോള്‍ ഹാനികരമായ ചില മൈക്രോപ്ലാസ്റ്റിക്കുകളും സൂക്ഷ്മ കണങ്ങളും ഭക്ഷണത്തില്‍ കലരുമെന്ന് പഠനം. നോര്‍ത്ത് ഡക്കോട്ട സ്റ്റേറ്റ് യൂണിവേഴ്‌സിറ്റി നടത്തിയ പഠനത്തിലാണ് ഇക്കാര്യം കണ്ടെത്തിയിരിക്കുന്നത്. ഈ കണങ്ങള്‍ ശരീരത്തിനുള്ളിലെത്തുന്നത് നീര്‍ക്കെട്ട്, ഇന്‍സുലിന്‍ പ്രതിരോധം, ടൈപ്പ് 2 പ്രമേഹം, ഹൃദ്രോഗം, കോശങ്ങള്‍ക്ക് നാശം, അലര്‍ജിക് പ്രതികരണങ്ങള്‍, പ്രത്യുത്പാദനശേഷിക്കുറവ്, അമിതവണ്ണം തുടങ്ങിയ പ്രശ്‌നങ്ങള്‍ ഉണ്ടാക്കാമെന്നും പഠനത്തില്‍ പറയുന്നു.
ചില പ്ലാസ്റ്റിക് കട്ടിങ് ബോര്‍ഡുകള്‍ പോളിപ്രൊപ്പിലൈന്‍, പോളിഎഥിലൈന്‍ തുടങ്ങിയ നാനോ വലുപ്പത്തിലുള്ള കണങ്ങള്‍ പുറത്ത് വിടാനുള്ള സാധ്യതയും ഗവേഷണ റിപ്പോര്‍ട്ടില്‍ പറയുന്നു. കട്ടിങ് ബോര്‍ഡില്‍ വച്ച്‌ കാരറ്റ് പോലുള്ള പച്ചക്കറികള്‍ അരിയുമ്ബോള്‍ ദശലക്ഷക്കണക്കിന് സൂക്ഷ്മ കണങ്ങളാണ് ഓരോ വര്‍ഷവും അതില്‍ ഉണ്ടാകുന്നത്. കത്തി ബോര്‍ഡില്‍ സ്പര്‍ശിക്കുന്ന സമയത്താണ് ഈ കണങ്ങള്‍ പുറത്ത് വന്ന് പച്ചക്കറിയുമായി കലരുന്നു. 14 മുതല്‍ 71 ദശലക്ഷം പോളിഎഥിലൈന്‍ മൈക്രോ പ്ലാസ്റ്റിക്കുകളും 79 ദശലക്ഷം പോളിപ്രൊപ്പിലൈന്‍ മൈക്രോപ്ലാസ്റ്റിക്കുകളും കട്ടിങ് ബോര്‍ഡുകള്‍ ഓരോ വര്‍ഷവും ഉണ്ടാക്കുന്നതായും ഗവേഷകര്‍ പറയുന്നു.