കോട്ടയം: കടുവാക്കുളത്ത് അക്രമി സംഘം വീടിനു മുന്നിൽ പാർക്ക് ചെയ്തിരുന്ന ഓട്ടോറിക്ഷ അക്രമി സംഘം എറിഞ്ഞു തകർത്തു. അക്രമത്തിൽ പ്രതിഷേധിച്ച് കോട്ടയം കടുവാക്കുളത്ത് ഇന്ന് ഓട്ടോഡ്രൈവർമാർ പണിമുടക്കും. ഞായറാഴ്ച രാത്രിയിലാണ് വീട്ടുമുറ്റത്ത് കിടന്ന ഓട്ടോറിക്ഷ അക്രമി സംഘം എറിഞ്ഞു തകർത്തത്. കടുവാക്കുളം മുണ്ടായ്ക്കൽ തുരുത്തേൽ മാട്ടി എബ്രഹാമിന്റെ വീട്ടുമുറ്റത്ത് കിടന്ന ഓട്ടോറിക്ഷയാണ് അക്രമി സംഘം എറിഞ്ഞു തകർത്തത്. ഞായറാഴ്ച വൈകിട്ട് ആറു മണിയോടെ മണിപ്പുഴയിൽ വച്ച് മറ്റൊരു വാഹനവുമായി ഓട്ടോറിക്ഷ തട്ടിയിരുന്നു. ഇതേച്ചൊല്ലി തർക്കമുണ്ടായതായും അവിടെ വച്ചു തന്നെ തർക്കം പരിഹരിച്ചതായും മാട്ടി എബ്രഹാം പറയുന്നു. ഇതിന് ശേഷം രാത്രിയിൽ നടത്തിയ പരിശോധനയിലാണ് ഓട്ടോറിക്ഷ തല്ലിത്തകർത്തത് കണ്ടെത്തിയത്. സംഭവത്തിൽ പൊലീസിൽ പരാതി നൽകിയിട്ടുണ്ട്.
Advertisements
