തിരുവല്ല: എസ് എൻ ഡി പി യോഗം തിരുവല്ല യൂണിയന്റെ ആഭിമുഖ്യത്തിൽ നടന്ന ഗുരുഅരങ്ങ് ശ്രീനാരായണ കലോത്സവം കുമാരനാശാൻ മേഖലാതല മത്സരങ്ങളിൽ കീഴ്‌വായ്പ്പൂര് ശാഖയ്ക്ക് ഓവറോൾ കിരീടം. എസ് എൻ ഡി പി യോഗം കൗൺസിലർ എബിൻ അമ്പാടി കലോത്സവം ഉദ്‌ഘാടനം ചെയ്തു. യൂണിയൻ പ്രസിഡന്റ് ബിജു ഇരവിപേരൂർ അദ്ധ്യക്ഷത വഹിച്ചു. യൂണിയൻ സെക്രട്ടറി അനിൽ എസ്. ഉഴത്തിൽ മുഖ്യപ്രഭാഷണം നടത്തി.
Advertisements
യോഗം അസി.സെക്രട്ടറി പി എസ് വിജയൻ, യോഗം ഇൻസ്‌പെക്ടിംഗ് ഓഫീസർ എസ് രവീന്ദ്രൻ, യൂണിയൻ വൈസ് പ്രസിഡന്റ് കെ ജി ബിജു, യൂണിയൻ കൗൺസിലർമാരായ ബിജു മേത്താനം, രാജേഷ് മേപ്രാൽ, അനിൽ ചക്രപാണി, മനോജ് ഗോപാൽ, സരസൻ ഓതറ, പ്രസന്നകുമാർ, പഞ്ചായത്ത് കമ്മിറ്റിയംഗം കെ എൻ രവീന്ദ്രൻ, വനിതാസംഘം പ്രസിഡന്റ് സുമ ശശിധരൻ, സെക്രട്ടറി മണിയമ്മ സോമശേഖരൻ, ശാഖാ കൺവീനർ ബീനാമോൾ പ്രഭാകുമാർ എന്നിവർ സംസാരിച്ചു.
