കോട്ടയം : ഗിരിദീപം സ്കൂൾ വാർഷികാഘോഷവും സുവർണജുബിലി ആഘോഷങ്ങളുടെ ഉദ്ഘാടനവും നടന്നു. 1974-75ലാണ് ഗിരിദീപം സ്കൂൾ ആരംഭിച്ചത്. തിരുവഞ്ചൂർ രാധാകൃഷ്ണൻ എം എൽ എ മുഖ്യാഥിതി ആയിരുന്നു. ബഥനിആശ്രമം അസിസ്റ്റന്റ് പ്രൊവിൻഷ്യൽ ഫാ ഡോ.വർഗീസ്‌ കൈപ്പനടുക്ക, കോട്ടയം ഗിരിദീപം ബഥനി ആശ്രമം സുപ്പീരിയർ ഫാ നൈനാൻ ചെറുപുഴതോട്ടത്തിൽ, ഗിരിദീപം പ്രിൻസിപ്പൽ ഫാ സൈജു കുര്യൻ,ബർസാർ ഫാ ജസ്റ്റിൻ,ഫാ ഡേവിഡ്,, ഗിരിദീപം ബഥനി ഹയർ സെക്കന്ററി പി ടി എ പ്രസിഡന്റ് ബിനു കോയിക്കൽ , ഗിരിദീപം സെൻട്രൽ സ്കൂൾ പി ടി എ പ്രസിഡന്റ് ജോൺ ഈപ്പൻ, വൈസ്പ്രിൻസിപ്പൽമാരായ ബിനു സുരേഷ്, ഇന്ദു തോമസ്, സൂപ്പർവൈസർ അഞ്ജന കെ എൻ എന്നിവർപങ്കെടുത്തു. കുട്ടികളുടെ കലാപരിപാടികൾക്കൊപ്പം സംഗീത സംവിധായൻ സുമേഷ് കൂട്ടിക്കലിന്റെ സംഗീതവിരുന്നും ഏറെ ഹൃദ്യമായിരുന്നു. മുഴുവൻ കുട്ടികളുടെയും രക്ഷകർത്താക്കളുടെയും സാന്നിധ്യം ആഘോഷങ്ങളെ കൂടുതൽ വർണാഭമാക്കി.
