നവകേരള സദസിന് ആളുകളെ എത്തിക്കാനായി സൗജന്യ സ്വകാര്യ ബസ് ആവശ്യപെട്ടെന്ന് പരാതി; ആരോപണം നിഷേധിച്ച് മോട്ടോർ വാഹന വകുപ്പ് 

തിരുവനന്തപുരം: നവകേരളാ സദസ്സിന് ആളെ എത്തിക്കാൻ സ്വകാര്യ ബസ്സുകൾ സൗജന്യ സർവീസ് നടത്തണമെന്ന് ആവശ്യപ്പെട്ടതായി ബസ് ഉടമകളുടെ അസോസിയേഷൻ. നവകേരള സദസിലേക്ക് ആളുകളെ കൊണ്ടു വരുന്നതിനും തിരികെ കൊണ്ടാക്കുന്നതിനും സ്വകാര്യ ബസുകൾ സൗജന്യമായി നൽകണമെന്നാണ് ആവശ്യപ്പെട്ടിരിക്കുന്നത്. ഇതിനെതിരെ പരാതിയുമായി മോട്ടോർ വാഹന വകുപ്പിനെതിരെ സംഘടനയുടെ മലപ്പുറം ജില്ല വൈസ് പ്രസിഡന്റ് രംഗത്തെത്തി. എന്നാൽ ആരോപണം മോട്ടോർ വാഹനവകുപ്പ് തള്ളി.

ഈ മാസം 27 മുതൽ 30 വരെയാണ് മലപ്പുറത്ത് നവകേരള സദസ് നടക്കുന്നത്. നവകേരള സദസിനായി ഗതാഗത സൗകര്യം ഒരുക്കേണ്ടത് മോട്ടോർ വാഹന വകുപ്പാണ്. ഈ സാഹചര്യത്തിലാണ് ഉദ്യോഗസ്ഥരെ ഉൾപ്പെടെ കൊണ്ടു പോകുന്നതിനായാണ് ബസുടമളെ മോട്ടോർ വാഹന വകുപ്പ് സമീപിച്ചതും സൗജന്യം സേവനം നൽകണമെന്നനം ആരോപിക്കുന്നത്. 

എന്നാൽ മൂന്നു ദിവസം സൗജന്യ സേവനം നടത്തുമ്പോൾ നഷ്ടത്തിലാക്കുമെന്ന് ബസ് ഉടമകൾ പറയുന്നു. എന്നാൽ ഇത്തരമൊരു ആവശ്യവുമായി ബസുടമകളെ സമീപിച്ചിട്ടില്ലെന്ന് മോട്ടോർ വാഹന വകുപ്പ് അറിയിച്ചു.