കടുത്തുരുത്തി : നിയമസഭാ നിയോജക മണ്ഡലം നവകേരള സദസ്സ് ഡിസംബര്‍ 14ന് വ്യാഴാഴ്ച്ച രാവിലെ 11.00 ന് കുറവിലങ്ങാട് ദേവമാതാ കോളേജ് മൈതാനത്ത് നടക്കും. അന്നുതന്നെ രാവിലെ 9.00ന് മുഖ്യമന്ത്രിയും മന്ത്രിമാരും പങ്കെടുക്കുന്ന പ്രഭാതയോഗം കുറവിലങ്ങാട് പള്ളി പാരിഷ് ഹാളിലും നടക്കും.നവകേരള സദസ്സിനോടനുബന്ധിച്ച് കടുത്തുരുത്തി നിയോജകമണ്ഡലത്തിലെ മീഡിയ ആന്‍ഡ് പബ്ലിക് റിലേഷന്‍സ് കമ്മിറ്റിയുടെ നേതൃത്വത്തില്‍ സ്‌കൂള്‍ വിദ്യാര്‍ത്ഥികള്‍ക്കായി ക്വിസ് മത്സരം സംഘടിപ്പിക്കും. നവകേരളമാണ് വിഷയം. സ്‌കൂള്‍തല മത്സരം ഡിസംബർ 5നുള്ളില്‍ പൂര്‍ത്തീകരിക്കും. സ്‌കൂള്‍തല വിജയികള്‍ക്ക് ഡിസംബര്‍ 6, 7 തീയതികളിലായി നിയോജകമണ്ഡലതല മത്സരം കുറവിലങ്ങാട് സെന്‍റ് മേരീസ് ഗേള്‍സ് ഹൈസ്ക്കൂളില്‍ ഉച്ചകഴിഞ്ഞ് 2.00ന് നടക്കും. നിയോജകമണ്ഡലത്തിലെ യുപി, ഹൈസ്‌കൂള്‍, ഹയര്‍സെക്കന്‍ഡറി വിദ്യാര്‍ത്ഥികള്‍ക്ക് മത്സരത്തില്‍ പങ്കെടുക്കാം. ഒന്നും രണ്ടും സ്ഥാനം ലഭിക്കുന്നവര്‍ക്ക് സമ്മാനവും സര്‍ട്ടിഫിക്കറ്റും നല്‍കും.