എടത്വ: എസ് എന്‍ ഡി പി യോഗം കുട്ടനാട് സൗത്ത് യൂണിയന്‍ 91-ാമത് ശിവഗിരി ഗുരുകുലം – തീര്‍ത്ഥാടന പദയാത്രയ്ക്ക് മുന്നോടിയായി പദയാത്രികര്‍ക്കുള്ള പീതാംബരദീക്ഷ ചടങ്ങ് നടന്നു. വ്യാഴാഴ്ച
രാവിലെ കോയില്‍മുക്ക് 777-ാംനമ്പര്‍ ശാഖ ക്ഷേത്രാങ്കണത്തില്‍ നടന്ന ചടങ്ങ് യൂണിയന്‍ കണ്‍വീനര്‍ അഡ്വ. പി സുപ്രമോദം ഉദ്ഘാടനം ചെയ്തു. യൂണിയന്‍ കൗണ്‍സിലറും പദയാത്ര ചെയര്‍മാനുമായ പി വി സന്തോഷ് അധ്യക്ഷത വഹിച്ചു. കോട്ടയം ശ്രീനാരായണ ധര്‍മ്മ പഠന കേന്ദ്രം രാജീവ് കൂരോപ്പട പ്രഭാഷണം നടത്തി. സുജിത്ത് തന്ത്രികള്‍ അനുഗ്രഹപ്രഭാഷണവും പദയാത്രികര്‍ക്കുള്ള പീതാംബര ദീക്ഷയും നല്‍കി.
പദയാത്ര കണ്‍വീനര്‍ ശാന്ത സി.പി, യൂണിയന്‍ കൗണ്‍സിലര്‍മാരായ ഉമേഷ് കൊപ്പാറ, സിമ്മി ജിജി, മൈക്രോ ഫിനാന്‍സ് കോര്‍ഡിനേറ്റര്‍ വിമല പ്രസന്നന്‍, വനിതാ സംഘം യൂണിയന്‍ കൗണ്‍സിലര്‍ സുജി സന്തോഷ്, വൈസ് പ്രസിഡന്റ് ശ്രീജ രാജേഷ്, യൂത്ത് മൂവ്‌മെന്റ് യൂണിയന്‍ ചെയര്‍മാന്‍ ഉണ്ണിക്കുട്ടന്‍ ഹരിദാസ്, കണ്‍വീനര്‍ സുചിത്ര രാജേന്ദ്രന്‍, വൈദികയോഗം സെക്രട്ടറി സനല്‍ ശാന്തി, ശാഖാ സെക്രട്ടറി സുരേഷ് എന്നിവര്‍ പ്രസംഗിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കുട്ടനാട് സൗത്ത് യൂണിയനില്‍ നിന്നുള്ള പദയാത്ര 26 ന് ആരംഭിച്ച 31ന് ശിവഗിരിയില്‍ സമാപിക്കും. എസ്എന്‍ ട്രസ്റ്റ് ബോര്‍ഡ് അംഗം പ്രീതി നടേശന്‍ പീതപതാക പദയാത്ര ക്യാപ്റ്റനായ പച്ചയില്‍ സന്ദീപിന് കൈമാറി ഉദ്ഘാടനം നിര്‍വഹിക്കും. ഇന്‍സ്‌പെക്റ്റിംഗ് ഓഫീസര്‍ എസ് രവീന്ദ്രന്‍ എഴുമറ്റൂര്‍ പദയാത്ര രഥത്തില്‍ ഭദ്രദീപ പ്രകാശനം നടത്തും.
