കോട്ടയം : സമഗ്ര ശിക്ഷ കേരളം ബി ആർ സി കോട്ടയം ഈസ്റ്റിന്റെ പ്രിയദർശിനി ഓട്ടിസം കെയർ സെന്ററും മഹാത്മാ ഫിസിയോതെറാപ്പി സെന്ററും സംയുക്തമായി സംഘടിപ്പിച്ച ക്രിസ്തുമസ് – പുതുവത്സര ആഘോഷം നവ്യാനുഭവമാക്കി കുട്ടികൾ. വാർഡ് കൗൺസിലർ ജയമോൾ ജോസഫിന്റെ മഹനീയ സാന്നിധ്യത്തിൽ മധുര മാധുര്യം നുകർന്നും സമ്മാനങ്ങൾ കൈമാറിയും സാന്താക്ലോസിനൊപ്പം ആർപ്പും ആരവവുമായി ഈസ്റ്റ്‌ ബി ആർ സി ഹാളിൽ നടന്ന ആഘോഷ പരിപാടികൾക്ക് മാറ്റുകൂട്ടാൻ പാരഗൺ പ്രൈവറ്റ് ലിമിറ്റഡ് കമ്പനി സീനിയർ എച്ച് ആർ മാനേജർ ജിബു ടോം എബി, ചീഫ് എച്ച് ആർ മാനേജർ ബിനു കെ വി എന്നിവരും കൂടി. ഈസ്റ്റ്‌ ബി ആർ സി ബി പി സി സജൻ എസ് നായർ, ട്രെയിനർ സലിം കെ എം, സ്പെഷ്യൽ എഡ്യൂക്കേറ്റർമാരായ ഫാദർ സഞ്ജു മാനുവൽ, അനിമോൾ മുരളീധരൻ എന്നിവർ ആശംസകൾ അർപ്പിച്ചു സംസാരിച്ചു. ആർപ്പുവിളി ആരവങ്ങളോടെ ക്രിസ്തുമസ് – പുതുവത്സരം ആഘോഷിച്ചു കുട്ടികൾ.
