ടോക്യോ: ജപ്പാനിലെ ടോക്യോയിൽ വിമാനാപകടം. ഹനേഡ വിമാനത്താവളത്തിലെ റൺവേയിൽ വെച്ച് വിമാനത്തിന് തീപിടിച്ചാണ് അപകടം ഉണ്ടായത്.റൺവേയിൽ പറന്നിറങ്ങിയ ജപ്പാൻ എയർലൈൻസ് വിമാനം കോസ്റ്റ്ഗാർഡ് വിമാനവുമായി കൂട്ടിയിടിച്ച് തീ പിടിക്കുകയായിരുന്നു. ജപ്പാന്‍ എയര്‍ലൈന്‍സിന്റെ ജെഎഎൽ 516 എന്ന വിമാനമാണ് അപകടത്തിൽപ്പെട്ടത്. അപകടം നടക്കുമ്പോൾ വിമാനത്തിൽ 379 പേർ ഉണ്ടായിരുന്നു. ഇവരെല്ലാം സുരക്ഷിതരാണ്. വിമാനത്തിലെ തീ അണയ്ക്കാൻ ഇതുവരെ കഴിഞ്ഞിട്ടില്ല. തീ അണക്കാനുള്ള ശ്രമങ്ങൾ തുടരുകയാണ്. അതേസമയം കോസ്റ്റ് ഗാര്‍ഡിന്റെ വിമാനത്തിലെ അഞ്ച് ക്രൂ മെമ്പർസിനെ കാണാനില്ലെന്ന റിപ്പോർട്ട്‌ കൂടി ഇപ്പോൾ പുറത്തു വരുന്നുണ്ട്.വിമാനത്തിന്റെ പൈലറ്റിനെ കണ്ടെത്തിയെന്നും അഞ്ച് പേരെ പറ്റി വിവരമില്ലെന്നുമാണ് റിപ്പോർട്ട്‌.
Advertisements
