സിറിയ : ചെങ്കടലില്‍ യെമൻ തീരത്ത് അമേരിക്കൻ ചരക്കുകപ്പലിന് നേരെ മിസൈല്‍ ആക്രമണം. യെമന്റെ തെക്കൻ തീരത്ത് വച്ചാണ് ആക്രമണം ഉണ്ടായത്. മിസൈല്‍ പതിച്ചതിന് പിന്നാലെ കപ്പലില്‍ തീപിടിത്തം ഉണ്ടായി. ആളപായമില്ലെന്നാണ് വിവരം. ഇസ്രയേലിലേക്ക് പുറപ്പെട്ട കപ്പലിന് നേരെയാണ് ആക്രമണമുണ്ടായത്. ആക്രമണത്തിന്റെ ഉത്തരവാദിത്വം ഹൂതികള്‍ ഏറ്റെടുത്തു. യു.എസ് കേന്ദ്രമായി പ്രവ‌ര്‍ത്തിക്കുന്ന ഈഗിള്‍ ബുള്‍ക് എന്ന കമ്ബനിയുടെ ജിബ്രാള്‍ട്ടര്‍ ഈഗിള്‍ എന്ന പേരിലുള്ള ചരക്ക് കപ്പലിന് നേരെയാണ് ആക്രമണം ഉണ്ടായത്. കപ്പലിന് ചെറിയ കേടുപാട് മാത്രമാണ് സംഭവിച്ചതെന്നും ആര്‍ക്കും പരിക്കില്ലെന്നും അധികൃതര്‍ അറിയിച്ചു.ചരക്ക് കപ്പലിന് പുറമേ യുദ്ധകപ്പലിന് നേരെയും മിസൈല്‍ ആക്രമണ ശ്രമം ഉണ്ടായെന്ന് അമേരിക്ക അറിയിച്ചു, ചരക്ക് കപ്പലിന് പുറമെ യുദ്ധകപ്പലിന് നേരെയും മിസൈല്‍ ആക്രമണ ശ്രമം ഉണ്ടായെന്ന് അമേരിക്ക അറിയിച്ചു. കപ്പലില്‍ പതിക്കുംമുമ്ബ് തന്നെ മിസൈല്‍ തകര്‍ത്തുവെന്നും അമേരിക്ക വ്യക്തമാക്കി.
