കോട്ടയം : ട്രെയിനിനുള്ളിൽ ഉള്ളില്‍ മറന്നുവെച്ച കണ്ണാടി എടുത്തശേഷം തിരികെ ഇറങ്ങിയ യുവാവ് ഇതേ ട്രെയിനിൽ നിന്നും വീണു മരിച്ചു. പുതുപ്പള്ളി പരിയാരം ഇടശ്ശേരി കുന്ന് വീട്ടിൽ ദീപക് പൊന്നൂസ് ജോർജ് (26) ആണ് മരിച്ചത്. വെള്ളിയാഴ്ച പുലർച്ചെ അഞ്ച് മണിയോടെയാണ് അപകടം ഉണ്ടായത്. പൂനയിൽ നിന്നും ജയന്തിജനത എക്സ്പ്രസിലാണ് ദീപക് കോട്ടയത്ത് എത്തിയത്. കോട്ടയം റെയിൽവേ സ്റ്റേഷനിൽ ട്രെയിൻ ഇറങ്ങിയ ശേഷമാണ് ഇദ്ദേഹം ട്രെയിനിന്നുള്ളിൽ കണ്ണാടി മറന്നതായി ഓർത്തത്. തുടർന്ന് , കണ്ണാടി എടുക്കുന്നതിനായി തിരികെ ട്രെയിനിൽ കയറിയതായി റെയിൽവേ പൊലീസ് പറയുന്നു. ഇതിനിടെ ട്രെയിൻ മുന്നോട്ട് നീങ്ങുകയായിരുന്നു. ട്രെയിൻ നീങ്ങിത്തുടങ്ങിയത് കണ്ട് ഇദ്ദേഹം ട്രെയിനിൽ നിന്ന് ചാടി ഇറങ്ങാൻ ശ്രമിച്ചു. ഇതിനിടെ പ്ളാറ്റ്ഫോമിൽ വീണ് ട്രെയിൻ്റെ അടിയിലേയ്ക്ക് ഇദ്ദേഹം വീണു. ഓടിക്കൂടിയ യാത്രക്കാരും റെയിൽവേ പോലീസും റെയിൽവേ സംരക്ഷണ സേനയും സ്ഥലത്ത് എത്തി രക്ഷാപ്രവർത്തനം നടത്തിയെങ്കിലും ജീവൻ രക്ഷിക്കാനായില്ല. മുതദേഹം ആശുപത്രി മോർച്ചറിയിൽ.
ട്രെയിനിനുള്ളിൽ കണ്ണാടി മറന്നു വച്ചു ; കണ്ണാടി എടുക്കാൻ തിരികെ കയറിയ യുവാവ് ട്രെയിനടിയിൽപ്പെട്ട് മരിച്ചു : കോട്ടയം റെയിൽവേ സ്റ്റേഷനിൽ ഉണ്ടായ അപകടത്തിൽ മരിച്ചത് പുതുപ്പള്ളി സ്വദേശി
